ព័ត៌មានអន្ដរជាតិ
កូរ៉េខាងជើង បាញ់មីស៊ីលទៅសមុទ្រជប៉ុន ចំថ្ងៃនៃកិច្ចប្រជុំ Yoon-Kishida
យោធាកូរ៉េខាងត្បូងបញ្ជាក់ថា ប្រទេសកូរ៉េខាងជើង បានបាញ់មីស៊ីលផ្លោងមួយគ្រាប់ទៀត ឆ្ពោះទៅសមុទ្រជប៉ុននៅព្រឹកថ្ងៃព្រហស្បតិ៍ទី១៦ខែមីនា។
មិនទាន់មានព័ត៌មានលម្អិតណាមួយត្រូវបានបញ្ជាក់នៅឡើយទេ ទាក់ទងនឹងរយៈចម្ងាយ និងរយៈកម្ពស់របស់មីស៊ីល ឬថាតើវាបានបង្កឲ្យមានការខូចខាតអ្វីដែរឬក៏អត់។
យោងតាមយោធាកូរ៉េខាងត្បូង មីស៊ីលផ្លោងមួយគ្រាប់នេះ ត្រូវបានបាញ់ចេញពីតំបន់ Sunan របស់ទីក្រុងព្យុងយ៉ាង នៅម៉ោងប្រហែល ៧:១០ ព្រឹក។
ការបាញ់នេះគឺជាការបាញ់សាកល្បងលើកទីប្រាំមួយ ចាប់តាំងពីដើមឆ្នាំ២០២៣មក ហើយកើតឡើងខណៈប្រធានាធិបតីកូរ៉េខាងត្បូងលោក Yoon Suk Yeol និងនាយករដ្ឋមន្ត្រីជប៉ុន Fumio Kishida រៀបចំកិច្ចប្រជុំកំពូលនៅទីក្រុងតូក្យូ។
ជំនួបរវាងមេដឹកនាំពិភពលោកទាំងពីរនេះ បានលើកឡើងអំពីបញ្ហានានាដែលប្រទេសទាំងពីរកំពុងប្រឈមមុខ ក៏ដូចជាការគំរាមកំហែងពីប្រទេសកូរ៉េខាងជើង ដែលបានបាញ់មីស៊ីលឥតឈប់ឈរ ចំពេលមានសមយុទ្ធយោធានា នៅក្នុងតំបន់។
កិច្ចប្រជុំរយៈពេលពីរថ្ងៃនេះ បានក្លាយជាលើកដំបូងក្នុងរយៈពេលជាង១២ឆ្នាំ ដែលកិច្ចចរចាថ្នាក់ប្រធានាធិបតីទ្វេភាគីរវាងប្រទេសទាំងពីរត្រូវបានធ្វើឡើង។
ថ្វីបើលោក Yoon បានធ្វើទស្សនកិច្ចលើកចុងក្រោយនៅប្រទេសជប៉ុនក្នុងឆ្នាំ២០១៩ក៏ដោយ ប៉ុន្តែការធ្វើដំណើរនោះគឺសម្រាប់កិច្ចប្រជុំកំពូល G20 ប៉ុណ្ណោះ៕
ប្រែសម្រួល៖ Vann Vann
ប្រភព៖ Sputnik
ចុចអាន៖ កូរ៉េខាងជើង បាញ់មីស៊ីលយុទ្ធសាស្ត្រចេញពីនាវាមុជទឹក គំរាម អាមេរិក និងកូរ៉េខាងត្បូង
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ