មកដឹង តម្លៃអគ្គិសនីក្នុងមួយគីឡូវ៉ាត់នៅ ឡាវ

តម្លៃជាមធ្យមនៃថាមពលអគ្គិសនីនៅក្នុងប្រទេសឡាវគឺ ០.០៥ ដុល្លារ (២០០ រៀល) ក្នុងមួយគីឡូវ៉ាត់ម៉ោង ពោលធ្លាក់ចុះពី ០.០៨ ដុល្លារក្នុងមួយគីឡូវ៉ាត់ម៉ោង ក្នុងចន្លោះឆ្នាំ ២០១២ ដល់ឆ្នាំ ២០១៩ ដោយសារតែការធ្លាក់ថ្លៃនៃរូបិយប័ណ្ណក្នុងប្រទេស ។

យោងតាមអគ្គិសនីឡាវ (EDL) បានឲ្យដឹងថា ការប្រើប្រាស់ថាមពលក្នុងប្រទេសនៅឆ្នាំ ២០២២ មានប្រហែល ១០,០០០ លានមេហ្គាវ៉ាត់ ខណៈសម្រាប់ប្រជាពលរដ្ឋប្រើប្រាស់ក្នុងផ្ទះសម្បែងមាន ២,៦៤៧ លានគីឡូវ៉ាត់ ស្មើនឹង ២៥ ភាគរយ និង ៧,៩២៤ លានគីឡូវ៉ាត់ម៉ោង ស្មើនឹង ៧៥ ភាគរយគឺមិនមែនប្រជាពលរដ្ឋប្រើប្រាស់ឡើយ ។

EDL បញ្ជាក់ថា បច្ចុប្បន្នការប្រើប្រាស់អគ្គិសនីច្រើនជាងគេ គឺទៅលើឧស្សាហកម្មមានចំនួន ៣០.៧ ភាគរយ បន្ទាប់មកគឺអាជីវកម្មឌីជីថលមានចំនួន ៣០.២ ភាគរយ ។

គួរបញ្ជាក់ថា បច្ចុប្បន្ននេះ ប្រទេសឡាវមានរោងចក្រថាមពលចំនួន ៩០ នៅទូទាំងប្រទេសដែលមានសមត្ថភាពផលិតថាមពលសរុបបាន ១១,០០០ មេហ្គាវ៉ាត់ ដែលរួមមានថាមពលបានមកពីវារីអគ្គិសនីចំនួន ៧៧ កន្លែង ថាមពលពន្លឺព្រះអាទិត្យចំនួន ៨ កន្លែង និងរោងចក្រថាមពលជីវម៉ាសចំនួន ៤ កន្លែង រួមជាមួយនឹងរោងចក្រថាមពលធ្យូងថ្មចំនួន ១កន្លែងផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ តុលាការឧក្រិដ្ឋកម្មអន្តរជាតិ ICC ចេញដីកាចាប់ខ្លួនលោក ពូទីន