ព័ត៌មានអន្ដរជាតិ
រុស្ស៊ី ចោទថា ICC ធ្វើតាមបញ្ជាលោកខាងលិច
កាលពីថ្ងៃពុធទី២២ខែមីនា រដ្ឋមន្ត្រីការបរទេសរុស្ស៊ីលោក Sergey Lavrov បានចោទប្រកាន់តុលាការឧក្រិដ្ឋកម្មអន្តរជាតិ(ICC) ថា បានធ្វើតាមបញ្ជារបស់ប្រទេសលោកខាងលិច បន្ទាប់ពីស្ថាប័នដែលមានមូលដ្ឋាននៅទីក្រុងឡាអេមួយនេះ ចេញដីកាចាប់ខ្លួនលោកប្រធានាធិបតី វ្ល៉ាឌីមៀរ ពូទីន។
លោក Lavrov និយាយថា “តុលាការឧក្រិដ្ឋកម្មអន្តរជាតិគឺដឹកនាំដោយរដ្ឋអាជ្ញា ដែលជាជនជាតិ Anglo-Saxon ហើយជាការពិត ដូចដែលយើងទាំងអស់គ្នាបានឃើញហើយ តុលាការនេះកំពុងធ្វើតាមបញ្ជាចៅហ្វាយនាយរបស់គេ ដែលហាមឃាត់ស្ថាប័ននេះ មិនឲ្យស៊ើបអង្កេតឧក្រិដ្ឋកម្មរបស់ប្រទេសជាសមាជិកណាតូ ហើយប្រើលេសមិនច្បាស់លាស់ ដើម្បីជំរុញរបៀបវារៈសមូហភាពលោកខាងលិច” ។
ការចោទប្រកាន់របស់លោក Lavrov ធ្វើឡើងបន្ទាប់ពី ប្រទេសជាង៤០ បានឯកភាពគាំទ្រការស៊ើបអង្កេតរបស់ ICC ពាក់ព័ន្ធនឹងករណីឧក្រិដ្ឋកម្មសង្គ្រាមរបស់រុស្ស៊ីនៅអ៊ុយក្រែន។
ហើយការចោទប្រកាន់នេះក៏បានកើតឡើងផងដែរ ក្រោយពេលអតីតប្រធានាធិបតីរុស្ស៊ីលោក Dmitry Medvedev បានព្រមាន ICC ឲ្យឧស្សាហ៍ងើយមើលមេឃផង ប្រយ័ត្នអាវុធនុយក្លេអ៊ែរធ្លាក់លើ។
គួរបញ្ជាក់ជាថ្មី ICC បានចោទប្រកាន់លោកពូទីនកាលពីសប្តាហ៍មុន អំពីតួនាទីនៅក្នុងឧក្រិដ្ឋកម្មសង្គ្រាម ទាក់ទងនឹងប្រតិបត្តិការយោធារបស់រុស្ស៊ីនៅអ៊ុយក្រែន។ ទោះបីជាយ៉ាងណាក៏ដោយ អ្នកនាំពាក្យវិមានក្រឹមឡាំង លោក Dmitry Peskov អះអាងថា ប្រទេសរុស្ស៊ីនឹងមិនទទួលស្គាល់ដីកា ឬយុត្តាធិការរបស់ ICC ឡើយ៕
ប្រែសម្រួល៖ Vann Vann
ប្រភព៖ Sputnik
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ