ព័ត៌មានអន្ដរជាតិ

លោក វ៉ាង យី ព្រមាន ជប៉ុន កុំឲ្យធ្វើតាមគោលនយោបាយរបស់ អាមេរិក ចំពោះ ចិន

បានផុស

៣ years មុន

នៅ

ថ្ងៃចន្ទ ៣ មេសា ២០២៣

ដោយ

មន្ត្រីការទូតកំពូលរបស់ចិន លោក វ៉ាង យី (Wang Yi) បានព្រមានប្រទេសជប៉ុនកុំឲ្យធ្វើតាមគោលនយោបាយរបស់សហរដ្ឋអាមេរិកលើទីក្រុងប៉េកាំង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបជាមួយរដ្ឋមន្ត្រីការបរទេសជប៉ុនលោក យ៉ូស៊ីម៉ាសា ហាយ៉ាស៊ិ (Yoshimasa Hayashi) នៅទីក្រុងប៉េកាំងកាលពីថ្ងៃអាទិត្យ, លោក វ៉ាង យី បាននិយាយថា ជាទូទៅ ទំនាក់ទំនងទ្វេភាគីជាមួយប្រទេសជប៉ុន មានស្ថេរភាព ប៉ុន្តែមានសំឡេងរំខាន និងការអុកឡុកផ្សេងៗរបស់ប្រទេសខាងក្រៅពីមួយពេលទៅមួយពេល ។

លោកបានបន្តថា កម្លាំងខ្លះនៅប្រទេសជប៉ុនកំពុងធ្វើតាមគោលនយោបាយខុសរបស់អាមេរិក ហើយសហការជាមួយអាមេរិកដើម្បីបង្កាច់បង្ខូចចិន លើបញ្ហាពាក់ព័ន្ធនឹងផលប្រយោជន៍ស្នូល ជាពិសេសនៅតៃវ៉ាន់តែម្ដង ។

ដោយកត់សម្គាល់ ឆ្នាំនេះជាខួបលើកទី ៤៥ នៃសន្ធិសញ្ញាសន្តិភាព និងមិត្តភាពជប៉ុន-ចិន, លោក វ៉ាង យី ក៏បាននិយាយផងដែរថា ប្រទេសចិនរក្សានូវគោលនយោបាយស្ថិរភាព និងជាប់លាប់ចំពោះប្រទេសជប៉ុន ហើយបានអំពាវនាវឲ្យជប៉ុនកសាងទំនាក់ទំនងទ្វេភាគីដែលឆ្លើយតបនឹងយុគសម័យថ្មីផងដែរ ។

ពាក់ព័ន្ធនឹងបញ្ហានេះដែរ ក្រុមអ្នកសង្កេតការណ៍បាននិយាយថា ប្រទេសចិនកំពុងព្រមានជប៉ុនកុំឲ្យបង្កើនការចូលរួមរបស់ខ្លួននៅកោះតៃវ៉ាន់ ប៉ុន្តែក៏កំពុងព្យាយាមទាក់ទាញជប៉ុនឲ្យមកខាងខ្លួន ដោយបង្ហាញពីឆន្ទៈក្នុងការធ្វើឲ្យប្រសើរឡើងនូវទំនាក់ទំនងទ្វេភាគី ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី ចេញគោលនយោបាយថ្មី បង្កើតសម្ព័ន្ធប្រឆាំងលោកខាងលិច និងពង្រឹងទំនាក់ទំនងជាមួយ ចិន

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា