ដូណាល់ ត្រាំ បង្ហោះសារខ្លី បង្កការភ្ញាក់ផ្អើល

អតីត​ប្រធានាធិបតី​សហរដ្ឋ​អាមេរិកលោក ដូណាល់ ត្រាំ បាន​ព្រមានជាថ្មី​ម្តង​ទៀត ​អំពី​សង្រ្គាម​លោក​លើក​ទី​បី ដោយ​គាត់បាន​បង្ហោះសារ​ខ្លី​នេះ​នៅ​លើ​បណ្តាញ សច្ចធម៌​សង្គម ជាហេតុធ្វើឲ្យអ្នកគាំទ្រភ្ញាក់ផ្អើលយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ត្រាំ បានសរសេរនៅលើគណនីរបស់គាត់កាលពីថ្ងៃអាទិត្យទី០៩ខែមេសាថា “សង្គ្រាមលោកលើកទី៣”។ ទោះបីជាយ៉ាងណាក៏ដោយ គាត់មិនបានបញ្ជាក់លម្អិតនោះទេ។

គេធ្លាប់ដឹងថា លោក ត្រាំ បានចោទប្រកាន់ប្រធានាធិបតីអាមេរិកលោក ចូ បៃដិន ម្តងហើយម្តងទៀតថា កំពុងនាំពិភពលោកឆ្ពោះទៅកាន់គែមនៃសង្គ្រាមលោកលើកទី៣ ដោយអះអាងថា ស្ថានភាពនឹងខុសពីនេះ ប្រសិនបើគាត់ជាប្រធានាធិបតី។

កាលពីខែមករា លោក ត្រាំ និយាយថា ពិភពលោកបានក្លាយទៅជាកន្លែងកាន់តែគ្រោះថ្នាក់ ក្រោមការដឹកនាំរបស់ប្រធានាធិបតី ចូ បៃដិន ហើយថា វោហាសាស្ត្រនុយក្លេអ៊ែរ នឹងមិនត្រូវបានគេប្រើប្រាស់ប្រឆាំងសហរដ្ឋអាមេរិកឡើយក្រោមការគ្រប់គ្រងរបស់គាត់ ប៉ុន្តែបច្ចុប្បន្ន សត្រូវបរទេសកំពុងប្រើវោហាសាស្ត្របែបនេះ ដោយសារតែពួកគេមិនគោរពចំពោះមេដឹកនាំអាមេរិកសព្វថ្ងៃ។

គួរបញ្ជាក់ថា ចាប់តាំងពីលោក បៃដិន ចូលកាន់តំណែងមក ភាពតានតឹងបានផ្ទុះឡើងយ៉ាងខ្លាំងរវាងសហរដ្ឋអាមេរិក និងមហាអំណាចនុយក្លេអ៊ែរពីរផ្សេងទៀតរបស់ពិភពលោក គឺចិន និងរុស្ស៊ី៕

ប្រែសម្រួល៖ Vann Vann

ប្រភព៖ Sputnik

ចុចអាន៖ រដ្ឋបាល ចូ បៃដិន បន្ទោស ដូណាល់ ត្រាំ ទៅលើការដកទ័ពដ៏ច្របូកច្របល់ ចេញពី អាហ្វហ្គានីស្ថាន