Connect with us

ព័ត៌មានអន្ដរជាតិ

អាស៊ាន ​ថ្កោលទោស​ដាច់អហង្ការ ​ចំពោះ​ការ​វាយ​ប្រហារ​អាកាសរបស់ ​មីយ៉ាន់ម៉ា

បានផុស

នៅ

ប្រជាជាតិអាស៊ីអាគ្នេយ៍ បានថ្កោលទោសយ៉ាងខ្លាំងចំពោះការទម្លាក់គ្រាប់បែករបស់យោធាមីយ៉ាន់ម៉ា ទៅលើភូមិមួយនៅតំបន់ Sagaing ភាគកណ្តាល ដែលបានសម្លាប់មនុស្សជាច្រើននាក់ រួមទាំងកុមារផងដែរ។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍របស់សមាគមប្រជាជាតិអាស៊ីអាគ្នេយ៍ (អាស៊ាន) នៅថ្ងៃព្រហស្បតិ៍ទី១៣ខែមេសា បានធ្វើឡើងមួយថ្ងៃបន្ទាប់ពីយោធាមីយ៉ាន់ម៉ា បញ្ជាក់ពីការវាយប្រហារអាកាសលើពិធីមួយដែលរៀបចំឡើងដោយរដ្ឋាភិបាលឯកភាពជាតិ (NUG)។

អង្គការសហប្រជាជាតិ សហរដ្ឋអាមេរិក និងប្រទេសដទៃទៀត បានថ្កោលទោសរួចហើយចំពោះការវាយប្រហារដោយមេទ័ព ដែលបានដណ្តើមអំណាចពីរដ្ឋាភិបាលជាប់ឆ្នោតក្នុងរដ្ឋប្រហារខែកុម្ភៈឆ្នាំ២០២១។

ស្របពេលជាមួយគ្នានោះ​ ប្លុកក្នុងតំបន់និយាយថា “អាស៊ានសូមថ្កោលទោសយ៉ាងដាច់អហង្ការ ចំពោះការវាយប្រហារតាមអាកាសនាពេលថ្មីៗនេះ ដែលធ្វើឡើងដោយកងកម្លាំងប្រដាប់អាវុធមីយ៉ាន់ម៉ានៅក្នុងភូមិ Pa Zi Gyi”។

(រូបថត៖ ក្រុមសកម្មជន KYUNHLA)

អាស៊ានបន្តថា “គ្រប់ទម្រង់នៃអំពើហិង្សាត្រូវតែបញ្ចប់ភ្លាមៗ ជាពិសេសការប្រើកម្លាំងប្រឆាំងនឹងជនស៊ីវិល។ នេះនឹងក្លាយជាមធ្យោបាយតែមួយគត់ ដើម្បីបង្កើតបរិយាកាសអំណោយផលសម្រាប់កិច្ចសន្ទនាថ្នាក់ជាតិ​ ដើម្បីស្វែងរកដំណោះស្រាយសន្តិភាពប្រកបដោយនិរន្តរភាពនៅក្នុងប្រទេសមីយ៉ាន់ម៉ា”។

របាយការណ៍ចុងក្រោយពីប្រព័ន្ធផ្សព្វផ្សាយបានឲ្យដឹងថា មនុស្សរហូតដល់ទៅ១០០នាក់ ត្រូវបានសម្លាប់នៅពេលយន្តហោះចម្បាំង បានទម្លាក់គ្រាប់បែកលើសាលសហគមន៍កាលពីព្រឹកថ្ងៃអង្គារទី១១ខែមេសា។

ប្រសិនបើតួលេខនេះត្រូវបញ្ជាក់មែន នេះនឹងក្លាយជាការវាយប្រហារសម្លាប់មនុស្សច្រើនបំផុត ចាប់តាំងពីយោធាក្រោមការដឹកនាំរបស់ឧត្តមសេនីយ៍ មីន អ៊ុងឡាំង បានទម្លាក់រដ្ឋាភិបាលលោកស្រី អ៊ុងសាន ស៊ូជី និងគណបក្សសម្ព័ន្ធជាតិដើម្បីប្រជាធិបតេយ្យ (NLD) របស់លោកស្រី៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ អន្តរជាតិផ្ទុះកំហឹង ក្រោយមីយ៉ាន់ម៉ា វាយប្រហារពីអាកាស សម្លាប់មនុស្ស ៥០នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម