Connect with us

ព័ត៌មានអន្ដរជាតិ

អន្តរជាតិផ្ទុះកំហឹង ក្រោយមីយ៉ាន់ម៉ា វាយប្រហារពីអាកាស​ សម្លាប់មនុស្ស ៥០នាក់

បានផុស

នៅ

យោងតាមរបាយការណ៍ប្រព័ន្ធផ្សព្វផ្សាយក្នុងស្រុក និងសាក្សីបានឲ្យដឹងថា​ មនុស្សជាច្រើននាក់នៅតំបន់កណ្តាលប្រទេសមីយ៉ាន់ម៉ា ត្រូវសម្លាប់ក្នុងការវាយប្រហារអាកាសកាលពីថ្ងៃអង្គារទី១១ខែមេសា ខណៈអង្គការសហប្រជាជាតិ (UN) និងមហាអំណាចលោកខាងលិច បានថ្កោលទោសការវាយប្រហារនេះ និងទាមទារឲ្យមានទំនួលខុសត្រូវ។

(រូបថត៖ IRRAWADDY)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានផ្នែកសិទ្ធិមនុស្សរបស់ UN លោក Volker Turk បាននិយាយថា លោកពិតជារន្ធត់ចិត្ត ចំពោះការវាយប្រហារតាមអាកាសដ៏សាហាវនេះ ដែលជនរងគ្រោះ រួមមានទាំងសិស្សសាលាកំពុងរាំរបាំផងដែរ។

ថ្វីបើចំនួនមនុស្សស្លាប់ពីការវាយប្រហារកាលពីព្រឹកថ្ងៃអង្គារលើទីប្រជុំជន Kanbalu ក្នុងតំបន់ដាច់ស្រយាល Sagaing មិនត្រូវបានគេបញ្ជាក់ច្បាស់ក៏ដោយ ប៉ុន្តែសារព័ត៌មាន BBC ភូមានិង Irrawaddy រាយការណ៍ថា មានមនុស្សយ៉ាងតិច៥០នាក់ត្រូវបាត់បង់ជីវិត និងរាប់សិបនាក់ទៀត រងរបួស។

UN ក៏មិនបង្ហាញជាក់លាក់អំពីចំនួនអ្នកស្លាប់ដែរ ប៉ុន្តែលោក Turk បានចោទប្រកាន់យោធាមីយ៉ាន់ម៉ាជាថ្មីម្តងទៀតថា មិនយកចិត្តទុកដាក់ចំពោះកាតព្វកិច្ចផ្លូវច្បាប់ ដើម្បីការពារជនស៊ីវិល។

(រូបថត៖ AFP)

ស្របពេលជាមួយគ្នានោះ អគ្គលេខាធិការ UN លោក Antonio Guterres បានថ្កោលទោសយ៉ាងខ្លាំងចំពោះការវាយប្រហារដោយកងកម្លាំងប្រដាប់អាវុធមីយ៉ាន់ម៉ា និងអំពាវនាវឲ្យនាំអ្នកទទួលខុសត្រូវ មកទទួលទោស។

ចំណែក ទីក្រុងវ៉ាស៊ីនតោនក៏និយាយដែរថា ខ្លួនព្រួយបារម្ភយ៉ាងខ្លាំងចំពោះការវាយប្រហារតាមអាកាស។ 

អ្នកនាំពាក្យក្រសួងការបរទេសអាមេរិក លោក Vedant Patel បាននិយាយនៅក្នុងសេចក្តីថ្លែងការណ៍មួយថា “ការវាយប្រហារដោយហិង្សាទាំងនេះ បានគូសបញ្ជាក់បន្ថែមពីការមិនយកចិត្តទុកដាក់របស់យោធាចំពោះជីវិតមនុស្ស និងការទទួលខុសត្រូវរបស់ខ្លួនចំពោះវិបត្តិនយោបាយ និងមនុស្សធម៌ដ៏ធ្ងន់ធ្ងរនៅក្នុងប្រទេសមីយ៉ាន់ម៉ា បន្ទាប់ពីរដ្ឋប្រហារខែកុម្ភៈ ឆ្នាំ ២០២១”៕

ប្រែសម្រួល៖ Vann Vann

ប្រភព៖ CNA

ចុចអាន៖​ ស្ងាត់ៗ យោធា មីយ៉ាន់ម៉ា ត្រៀមធ្វើព្យុហយាត្រាទ្រង់ទ្រាយធំនៅថ្ងៃនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៨ នាទី មុន

លោក អ៊ុន ចាន់ដា ផ្តាំដល់អាជ្ញាធរពាក់ព័ន្ធផ្តល់បរិយាកាសសប្បាយរីករាយដល់ពលរដ្ឋក្នុងឱកាសចូលឆ្នាំខ្មែរខាងមុខ

កីឡា២៨ នាទី មុន

របួសជាថ្មី អ្នកចាំទី Courtois បានចាកចេញពីការហ្វឹកហាត់ទាំងទឹកភ្នែក

ព័ត៌មានអន្ដរជាតិ៣០ នាទី មុន

វៀតណាម តែងតាំងស្ត្រីមានឥទ្ធិពលម្នាក់ជាប្រធានាធិបតីស្ដីទី ក្រោយលោក Vo Van Thuong លាលែងពីតំណែង

ព័ត៌មានជាតិ៣២ នាទី មុន

ភ្ញៀវទេសចរជាង១ម៉ឺននាក់ បានមកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត

ជីវិតកម្សាន្ដ៣៥ នាទី មុន

តារាចម្រៀង ណូយ វណ្ណា ក្លាយជាជនរងគ្រោះក្នុងការទិញដីឡូត៍គម្រោងទី ៣០ ម៉ន ដានី ខេត្តកំពត

Sokha Hotels

ព័ត៌មានពេញនិយម