ព័ត៌មានអន្ដរជាតិ

នាយករដ្ឋមន្ត្រី ជប៉ុន ឲ្យរឹតបន្តឹងសន្តិសុខខ្លាំងជាងនេះ ព្រោះប្រទេសនឹងរៀបចំព្រឹត្តិការណ៍ធំ ២

បានផុស

១១ ខែ មុន

នៅ

ថ្ងៃចន្ទ ១៧ មេសា ២០២៣

ដោយ

នាយករដ្ឋមន្ត្រីជប៉ុនលោក Kishida Fumio បានអំពាវនាវឲ្យប៉ូលិសធ្វើអ្វីគ្រប់យ៉ាងតាមដែលពួកគេអាចធ្វើបាន ដើម្បីធានាសុខសុវត្ថិភាពក្នុងយុទ្ធនាការបោះឆ្នោត និងកិច្ចប្រជុំកំពូលក្រុមប្រទេស G7 នៅទីក្រុងហ៊ីរ៉ូស៊ីម៉ា នាខែក្រោយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kishida បានធ្វើការអំពាវនាវបែបនេះកាលពីថ្ងៃអាទិត្យ ពោលមួយថ្ងៃ បន្ទាប់ពីហេតុការណ៍គប់គ្រាប់បែកផ្សែងចូលទីតាំងដែលលោកនាយករដ្ឋមន្ត្រីរូបនេះ ហៀបនឹងថ្លែងសុន្ទរកថានៅក្នុងទីក្រុង Wakayama កាលពីថ្ងៃសៅរ៍កន្លងទៅ ។

លោក Kishida បានចុះទៅទីក្រុង Wakayama ភាគខាងលិច ដើម្បីផ្តល់ការគាំទ្រដល់បេក្ខជនបោះឆ្នោតសភាជាន់ទាបនៅទីនោះ ។ ភ្លាមៗនៅក្នុងហេតុការណ៍នោះ លោកនាយករដ្ឋមន្ត្រីត្រូវបានគេជម្លៀសចេញដោយមិនមានគ្រោះថ្នាក់ឡើយ ប៉ុន្តែប៉ូលិសម្នាក់រងរបួសស្រាល ។

ក្រោយលោក Kishida បាននិយាយថា លោកនឹងមិនអាចអត់ឱនចំពោះអំពើហិង្សាណាមួយ ក្នុងអំឡុងពេលយុទ្ធនាការបោះឆ្នោតនោះទេ ព្រោះវាគំរាមកំហែងដល់មូលដ្ឋានគ្រឹះនៃលទ្ធិប្រជាធិបតេយ្យរបស់យើង ។

លោកបញ្ជាក់ថា វាសំខាន់ណាស់ក្នុងការអនុញ្ញាតឲ្យមានការបោះឆ្នោតកើតឡើងតាមការគ្រោងទុក ហើយលោកចង់ឲ្យប៉ូលិសធ្វើឲ្យអស់ពីសមត្ថភាពដើម្បីទប់ស្កាត់ការរារាំងយុទ្ធនាការឃោសនាបោះឆ្នោតរបស់គ្រប់គណបក្សទាំងអស់ ។

គួរបញ្ជាក់ថា ពលរដ្ឋនៅទូទាំងប្រទេសជប៉ុននឹងទៅការិយាល័យបោះឆ្នោតនៅថ្ងៃទី ២៣ ខែមេសានេះ ដើម្បីធ្វើការបោះឆ្នោតក្នុងតំបន់ជុំទី ២ និងការបោះឆ្នោតសភារយៈពេល ៥ អាណត្តិ ជាពិសេសជប៉ុននឹងមានតួនាទីមួយទៀតគឺ រៀបចំកិច្ចប្រជុំកំពូល G7 សម្រាប់ខែក្រោយនេះ ៕