Connect with us

ព័ត៌មានអន្ដរជាតិ

តួកគី ថា យន្តហោះជម្លៀសរបស់ខ្លួន រងការបាញ់ប្រហារ តែ ស៊ូដង់ បដិសេធ

បានផុស

នៅ

ក្រសួងការពារជាតិតួកគី បានបញ្ជាក់ថា យន្តហោះដែលចុះចតនៅអាកាសយានដ្ឋាន Wadi Seidna ត្រូវរងការបាញ់ប្រហារ។

យន្តហោះរបស់តួកគី (រូបថត៖ AA)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍របស់ក្រសួងការពារជាតិនៅលើ Twitter បានសរសេរថា “អាវុធធុនស្រាលត្រូវបានបាញ់លើយន្តហោះជម្លៀស C-130 របស់យើង ដែលធ្វើដំណើរទៅកាន់ Wadi Seidna សម្រាប់បេសកកម្មជម្លៀសពលរដ្ឋរបស់យើងដែលជាប់គាំងនៅក្នុងប្រទេសស៊ូដង់ ជាកន្លែងដែលការប៉ះទង្គិចនៅតែបន្ត។ យន្តហោះរបស់យើងបានចុះចតដោយសុវត្ថិភាព។ ថ្វីបើគ្មានបុគ្គលិកណាម្នាក់របួសក៏ដោយ ប៉ុន្តែយើងកំពុងធ្វើការត្រួតពិនិត្យចាំបាច់នៅលើយន្តហោះ”។

ទោះបីជាយ៉ាងណាក៏ដោយ កងកម្លាំងគាំទ្ររហ័សស៊ូដង់ (RSF) បានបដិសេធការបាញ់ទៅលើយន្តហោះតួកគី ហើយនិយាយថា កងទ័ពស៊ូដង់កំពុងផ្សព្វផ្សាយការភូតកុហក។

RSF បាននិយាយនៅក្នុងសេចក្តីថ្លែងការណ៍មួយថា “កងកម្លាំងរបស់យើងនៅតែប្តេជ្ញាចិត្តយ៉ាងម៉ឺងម៉ាត់ចំពោះបទឈប់បាញ់មនុស្សធម៌ ដែលយើងបានព្រមព្រៀងគ្នាតាំងពីពាក់កណ្តាលអធ្រាត្រមក ហើយវាមិនពិតទេដែលថាយើងបានកំណត់គោលដៅលើយន្តហោះណាមួយនៅអាកាសយានដ្ឋាន Wadi Seidna”៕

ប្រែសម្រួល៖ Vann Vann

ប្រភព៖ Guardian

ចុចអាន៖ កុមារតូចៗ ត្រូវបានជម្លៀសចេញពីស៊ូដង់ ដោយសារប្រទេសកំពុងវឹកវរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម