មិនដល់មួយសប្តាហ៍ផង ស៊ែប៊ី ជួបហេតុការណ៍បាញ់សម្លាប់រង្គាល ២លើក

មនុស្ស​ចំនួន៨នាក់​បាន​ស្លាប់ និង​១០​នាក់​រង​របួស ​ក្នុង​ការ​បាញ់​ប្រហារ​សម្លាប់រង្គាល​លើក​ទី​២ ត្រឹម​រយៈពេលប៉ុន្មានថ្ងៃប៉ុណ្ណោះនៅប្រទេសស៊ែប៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្មាន់កាំភ្លើងត្រូវបានគេរាយការណ៍ថា បានបាញ់កាំភ្លើងស្វ័យប្រវត្តិ ចេញពីរថយន្តនៅជិតភូមិមួយចម្ងាយ៦០គីឡូម៉ែត្រភាគខាងត្បូង ទីក្រុងបែលក្រាដ។

ទោះបីជាយ៉ាងណាក៏ដោយ របាយការណ៍​មិន​បាន​បញ្ជាក់​ទេថាតើ ជន​ល្មើស​កំពុង​រត់​គេច​ខ្លួន​នៅ​ឡើយ ឬចាប់បានហើយ។

គួរបញ្ជាក់ថា កាលពីដើមសប្តាហ៍នេះ ក្មេងជំទង់ម្នាក់បានសម្លាប់សិស្សចំនួន៨នាក់នៅសាលាមួយក្នុងទីក្រុង បែលក្រាដ នៅក្នុងការបាញ់សម្លាប់រង្គាលដ៏អាក្រក់បំផុត ដែលបានកើតឡើងនៅប្រទេសស៊ែប៊ីក្នុងរយៈពេលប៉ុន្មានឆ្នាំកន្លងមកនេះ។

ការបាញ់ប្រហារសម្លាប់រង្គាល គឺកម្រកើតមានណាស់នៅស៊ែប៊ី ដោយប្រទេសនេះមានច្បាប់កាំភ្លើងតឹងរ៉ឹងបំផុត ប៉ុន្តែការកាន់កាប់កាំភ្លើងនៅក្នុងប្រទេសនេះ គឺមានកម្រិតខ្ពស់ បើប្រៀបធៀបជាមួយប្រទេសដទៃទៀតនៅអឺរ៉ុប៕

ប្រែសម្រួល៖ Vann Vann

ប្រភព៖ BBC

ចុចអាន៖ គ្រូបង្រៀនច្រើននាក់ ត្រូវបាញ់សម្លាប់នៅ ប៉ាគីស្ថាន