ប្រជាជន ថៃ សម្រុកប្រើអគ្គិសនីដល់កម្រិតមិនធ្លាប់មាន ព្រោះតែក្ដៅពេក

គណៈកម្មការគ្រប់គ្រងថាមពលថៃ (ERC) បាននិយាយថា ការប្រើប្រាស់អគ្គិសនីនៅក្នុងប្រទេសថៃបានកើនឡើងដល់កំណត់ត្រាថ្មីមួយកាលពីថ្ងៃអាទិត្យ ដោយសារតែប្រជាជនកាន់តែច្រើនសម្រុកប្រើប្រាស់ម៉ាស៊ីនត្រជាក់របស់ពួកគេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ERC បាននិយាយកាលពីថ្ងៃចន្ទថា ការប្រើប្រាស់ថាមពលបានឈានដល់កម្រិតកំពូលចំនួន ៣៤,៨២៦ មេហ្គាវ៉ាត់ កាលពីថ្ងៃសៅរ៍ បើធៀបនឹង ៣៣,១៧៧ មេហ្គាវ៉ាត់នៅក្នុងរយៈពេលដូចគ្នាកាលពីឆ្នាំមុន ។

ទន្ទឹមនោះ គណៈកម្មការគ្រប់គ្រងថាមពលថៃ ក៏កំពុងមើលកុងងទ័រភ្លើងយ៉ាងដិតដល់ផងដែរ ដើម្បីតាមដានថាតើការប្រើប្រាស់អគ្គិសនីសរុបនឹងកើនឡើងដល់កម្រិត ៣៥,០០០ មេហ្គាវ៉ាត់ឬក៏យ៉ាងណា ។

ស្របពេលជាមួយគ្នានេះ ការប្រើប្រាស់អគ្គិសនីក៏បានឡើងលើសកម្រិត ៣០,០០០ មេហ្គាវ៉ាត់ផងដែរក្នុងរយៈពេល ៥ ថ្ងៃក្នុងឆ្នាំនេះ ពោលគឺកាលពីថ្ងៃទី២៧ ខែមីនា ការប្រើប្រាស់កើនដល់ ៣១,០៥៤.៦ មេហ្គាវ៉ាត់, ថ្ងៃទី៤ ខែមេសា មាន ៣១,៤៩៦ មេហ្គាវ៉ាត់, ថ្ងៃទី៦ ខែមេសា មាន ៣២,១៥៤.៤ មេហ្គាវ៉ាត់, ថ្ងៃទី២០ ខែមេសា មាន ៣៣,០៦២ មេហ្គាវ៉ាត់ និងថ្ងៃទី២១ ខែមេសា ការប្រើប្រាស់គឺ ៣៣,០៣៨៤ មេហ្គាវ៉ាត់ ។

គួរបញ្ជាក់ថា បើទោះបីជាចាប់ពីខែឧសភានេះទៅដល់ខែតុលា ប្រទេសថៃឈានចូលដល់រដូវវស្សាក៏ដោយ ក៏សីតុណ្ហភាពនៅក្នុងប្រទេស នៅតែកើនឡើងក្នុងកម្រិតគួរឲ្យប្រុងប្រយ័ត្នដដែរ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ តើ ថៃ នឹងមានការផ្លាស់ប្ដូររដ្ឋាភិបាលយោធាក្នុងការបោះឆ្នោតខាងមុខឬក៏ យ៉ាងណា?