ព័ត៌មានអន្ដរជាតិ
ការស្ទង់មតិនៅប្រទេស ជប៉ុន បង្ហាញថា ប្រជាជនវ័យក្មេងជិតពាក់កណ្ដាលកំពុងចង់សម្លាប់ខ្លួន
ការស្ទង់មតិធ្វើឡើងដោយមូលនិធិ Nippon មានមូលដ្ឋាននៅទីក្រុងតូក្យូបានរកឃើញថា ប្រជាជនជប៉ុនធ្លាក់ចុះចំនួន ៥៥៦,០០០ នាក់ក្នុងឆ្នាំ ២០២២ នៅសល់ត្រឹម ១២៤.៩ លាននាក់ប៉ុណ្ណោះ ទន្ទឹមនោះម្នាក់ក្នុងចំណោមមនុស្សពីរនាក់មានគំនិតចង់ធ្វើអត្តឃាតដែលជាតួលេខខ្ពស់គួរឲ្យកត់សម្គាល់ ។
យោងតាមក្រសួងសុខាភិបាលរបស់ប្រទេសជប៉ុន ការធ្វើអត្តឃាតគឺជាមូលហេតុនាំមុខគេនៃការស្លាប់របស់ប្រជាជនវ័យក្មេងក្នុងឆ្នាំ ២០១៩, ២០២០, និង ២០២១ ។ ការស្ទង់មតិត្រូវបានធ្វើទៅលើមនុស្ស ១៤,៥៥៥ នាក់ដែលមានអាយុចាប់ពី ១៨ ឆ្នាំដល់ ២៩ ឆ្នាំ ជាលទ្ធផលបង្ហាញឲ្យឃើញថា ៤៤.៨ ភាគរយកំពុងចង់សម្លាប់ខ្លួនដោយសារវិបត្តិស្នេហា ការគំរាមកំហែង និងការព្រួយបារម្ភពីអនាគត ។
ក្នុងនោះយុវជនប្រហែល ៤០ ភាគរយ បានប៉ុនប៉ងធ្វើអត្តឃាត ឬរៀបចំផែនការសម្លាប់ខ្លួនជិតបានសម្រេចទៅហើយ ។ ការស្ទង់មតិបានរកឃើញទៀតថា “ការប៉ះទង្គិចផ្លូវចិត្តពីការរំលោភផ្លូវភេទ និងការសម្លុត ដើរតួនាទីយ៉ាងសំខាន់ ក្នុងការបង្កជាគំនិតសម្លាប់ខ្លួន” ។
ជាមួយគ្នានេះ ទិន្នន័យរបស់រដ្ឋាភិបាលដែលបានចេញផ្សាយកាលពីថ្ងៃព្រហស្បតិ៍បានបង្ហាញថា ប្រជាជនជប៉ុនអាយុចាប់ពី ១៤ ឆ្នាំឡើងទៅធ្លាក់ចុះក្នុងរយៈពេល ៤២ ឆ្នាំជាប់គ្នាដល់កម្រិតទាបបំផុតគឺ ១៤.៣៥ លាននាក់គិតត្រឹមថ្ងៃទី០១ ខែមេសា និង ៣ សែននាក់កាលពីឆ្នាំមុន ។
សូម្បីក្រសួងកិច្ចការផ្ទៃក្នុងនិងទំនាក់ទំនងក៏បានឲ្យដឹងថាខេត្តទាំង ៤៧ របស់ប្រទេសជប៉ុន លើកលែងតែទីក្រុងតូក្យូមួយកំពុងធ្លាក់ចុះចំនួនអ្នករស់គួរឲ្យបារម្ភផងដែរ ៕
ចុចអាន ៖ ៤៧ ឆ្នាំទៀត ប្រជាជន ជប៉ុន នឹងធ្លាក់ចុះច្រើនជាង ៣០ ភាគរយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ