ព័ត៌មានអន្ដរជាតិ

លោក ត្រាំ ថានឹងជួបលោក ពូទីន ដើម្បីដោះស្រាយជម្លោះនៅ អ៊ុយក្រែន

បានផុស

១០ ខែ មុន

នៅ

ថ្ងៃសុក្រ ១២ ឧសភា ២០២៣

ដោយ

អតីតប្រធានាធិបតីអាមេរិកលោក ដូណាល់ ត្រាំ បាននិយាយថា លោកនឹងជួបជាមួយប្រធានាធិបតីរុស្ស៊ី វ្ល៉ាឌីមៀរ ពូទីន និងសមភាគីអ៊ុយក្រែន លោក វ៉ូឡូឌីមៀរ ហ្សេលេនស្គី ដើម្បីបញ្ចប់ជម្លោះនៅអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយក្នុងកម្មវិធីមួយរបស់ទូរទស្សន៍ CNN ថា “ខ្ញុំមិនគិតពីការឈ្នះ និងចាញ់ក្នុងសង្គ្រាមនេះនោះទេ ខណៈកន្លងមកខ្ញុំធ្លាក់លើកឡើងហើយថា ប្រសិនបើខ្ញុំជាប្រធានាធិបតី ខ្ញុំនឹងដោះស្រាយជម្លោះមួយនេះក្នុងរយៈពេលតែ ២៤ ម៉ោងប៉ុណ្ណោះ” ។

អ្នកនយោបាយរូបនេះបានបញ្ជាក់ទៀតថា “ចំពោះប្រជាជនរុស្ស៊ី និងអ៊ុយក្រែន ខ្ញុំចង់ឲ្យពួកគេឈប់ស្លាប់ ហើយខ្ញុំនៅតែរក្សាពាក្យសម្ដីរបស់ខ្ញុំដដែរ គឺខ្ញុំនឹងដោះស្រាយវាឲ្យបញ្ចប់ក្នុងរយៈពេល ២៤ ម៉ោង” ។

លោក ត្រាំ បានបន្ថែមថា លោកបានចាត់ទុកលោក ពូទីន ជាមនុស្សឆ្លាតណាស់ ។ ទោះជាយ៉ាងណា តាមការយល់ឃើញរបស់អតីតប្រធានាធិបតីអាមេរិករូបនេះគឺថា លោក ពូទីន បានធ្វើខុស បន្ទាប់ពីការចាប់ផ្តើមប្រតិបត្តិការសឹកទៅលើអ៊ុយក្រែនកាលពីថ្ងៃទី២៤ ខែកុម្ភៈឆ្នាំមុន ។

ជាចុងក្រោយ លោកក៏បានចង្អុលបង្ហាញដែរថា វាមិនមែនជាពេលដែលត្រូវដាក់ឈ្មោះប្រធានាធិបតីរុស្ស៊ីរូបនេះថាជា “ឧក្រិដ្ឋជនសង្គ្រាម” នោះទេ ហើយប្រសិនបើអ្នកនិយាយថា លោក ពូទីន ជាឧក្រិដ្ឋជនសង្គ្រាមនោះ វានឹងកាន់តែតឹងតែងក្នុងការធ្វើកិច្ចព្រមព្រៀងដើម្បីឲ្យរឿងនេះចប់ណាស់” ៕