ព័ត៌មានអន្ដរជាតិ
ដឹងទេ បើលោក ភីថា ឈ្នះឆ្នោត តើលោកនឹងក្លាយជានាយករដ្ឋមន្ត្រីទីប៉ុន្មានរបស់ ថៃ?
លោក ភីថា លីមចារើនរ៉ាត់ ( Pita Limjaroenrat) បានប្រកាសថា លោកត្រៀមខ្លួនធ្វើជានាយករដ្ឋមន្ត្រីបន្ទាប់របស់ប្រទេស ខណៈដែលគណបក្សចលនាឆ្ពោះទៅមុខ (Move Forward) របស់លោកទទួលជ័យជម្នះដ៏គួរឲ្យភ្ញាក់ផ្អើលនៅក្នុងការបោះឆ្នោតសកលកាលពីថ្ងៃទី ១៤ ខែឧសភា។
បុរសវ័យ ៤២ ឆ្នាំរូបនេះប្រកាសនៅលើ Twitter នាព្រឹកថ្ងៃច័ន្ទថា “សួស្តីបងប្អូនជនរួមជាតិ ថ្ងៃនេះខ្ញុំ Pita Limjaroenrat ច្បាស់ហើយ រួចរាល់ហើយ ដើម្បីក្លាយជានាយករដ្ឋមន្ត្រីទី ៣០ របស់ប្រទេសថៃ”។
លើសពីនេះលោកក៏បន្ថែមទៀតថា “យើងចែករំលែកក្តីស្រមៃ និងក្តីសង្ឃឹមដូចគ្នា ហើយយើងជឿថាប្រទេសថៃដែលយើងស្រលាញ់អាចប្រសើរជាង។ ការផ្លាស់ប្ដូរអាចធ្វើទៅបាន ប្រសិនបើយើងចាប់ផ្ដើមធ្វើវាចាប់ពីថ្ងៃនេះ ហើយមិនថាអ្នកយល់ព្រម ឬមិនយល់ស្របជាមួយខ្ញុំទេ ខ្ញុំនឹងធ្វើជានាយករដ្ឋមន្ត្រីរបស់អ្នក។ ទោះអ្នកបោះឆ្នោតឲ្យខ្ញុំឬអត់ ខ្ញុំនឹងបម្រើអ្នក”។
ទោះយ៉ាងណាក៏ដោយ ការរាប់សន្លឹកឆ្នោតក្រៅផ្លូវការគិតត្រឹមម៉ោង ១០ ព្រឹកថ្ងៃច័ន្ទ (៩៩% បានបញ្ចប់) បានបង្ហាញថា បក្ស Move Forward បានឈ្នះ ១១២ ក្នុងចំណោម ៤០០ អាសនៈសមាជិកសភា និង ១៤.១ លានសំឡេងសម្រាប់សមាជិកសភាក្នុងបញ្ជីបក្ស ដោយបានយកឈ្នះគណបក្សភឿថៃដែលមានអាសនៈចំនួន ១១២ ដែលមានតែ ១០.៨ ប៉ុណ្ណោះ។
ចំណែកឯគណបក្ស Bhumjaithai ឈរនៅលេខរៀងទី ៣ជាមួយនឹងសមាជិកសភាមណ្ឌលចំនួន ៦៨ និង Palang Pracharath ស្ថិតនៅលំដាប់ទី៤ជាមួយនឹងសមាជិកសភាចំនួន ៣៩ មណ្ឌល។ ចំណាត់ថ្នាក់លេខបីក្នុងការប្រកួតក្នុងបញ្ជីគណបក្សគឺគណបក្ស United Thai Nation របស់លោកនាយករដ្ឋមន្ត្រី Prayut ដោយទទួលបានសំឡេងឆ្នោត ៤.៦៧ លានតាមពីក្រោយដោយគណបក្ស Bhumjaithai ទទួលបាន ១.១២ លានសំឡេង។
ជាចុងក្រោយលោកភីថាបាននិយាយទៀតថា Move Forward នឹងធ្វើសន្និសីទសារព័ត៌មានផ្លូវការមួយនៅពេលថ្ងៃត្រង់ថ្ងៃនេះ ដោយបន្ថែមថាលោកនឹងធ្វើដំណើរទៅកាន់វិមានប្រជាធិបតេយ្យក្នុងទីក្រុងបាងកក ដើម្បីថ្លែងអំណរគុណដល់អ្នកបោះឆ្នោតសម្រាប់ការគាំទ្ររបស់ពួកគេនៅម៉ោង៥.៣០ល្ងាច៕
ប្រែសម្រួល៖ សាង ស្រីល័ក្ខ
ចុចអាន៖មកស្គាល់បេក្ខជននាយករដ្ឋមន្ត្រីថ្មីរបស់ ថៃ ដែលកំពុងនាំមុខក្នុងការរាប់សន្លឹកឆ្នោត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ