Connect with us

ព័ត៌មានអន្ដរជាតិ

លោក បៃដិន៖ ទំនាក់ទំនង អាមេរិក-ចិន នឹងល្អប្រសើរឡើងវិញ ក្នុងពេលឆាប់ៗ

បានផុស

នៅ

ប្រធានាធិបតីសហរដ្ឋអាមេរិក លោក ចូ បៃដិន បាននិយាយកាលពីថ្ងៃអាទិត្យ ទី២១ ខែឧសភាថា ទំនាក់ទំនងរវាងទីក្រុងវ៉ាស៊ីនតោន និងប៉េកាំង នឹងល្អប្រសើរឡើងវិញក្នុងរយៈពេលដ៏ខ្លីខាងមុខ ។

លោក ស៊ី ជីនពីង (ឆ្វេង) និងលោក ចូ បៃដិន (រូបថត៖ SKY)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន និយាយថា ទំនាក់ទំនងកាន់តែយ៉ាប់យ៉ឺន បន្ទាប់ពីកិច្ចពិភាក្សារបស់លោកជាមួយប្រធានាធិបតីចិន ស៊ី ជីនពីង ក្នុងកិច្ចប្រជុំកំពូល G20 នៅកោះបាលី នៃប្រទេសឥណ្ឌូណេស៊ីកាលពីខែវិច្ឆិកា ។

ហើយការសម្រេចចិត្តរបស់ទីក្រុងវ៉ាស៊ីនតោន កាលពីខែកុម្ភៈ ក្នុងការបាញ់ទម្លាក់បាឡុងចារកម្មចិន ដែលហោះពេញសហរដ្ឋអាមេរិក ក៏បានបង្កឲ្យមានជម្លោះការទូតរវាង ប្រទេសសេដ្ឋកិច្ចធំជាងគេទាំងពីរផងដែរ ។

បន្ទាប់មក ដំណើរទស្សនកិច្ចរបស់រដ្ឋមន្ត្រីការបរទេសអាមេរិកលោក Antony Blinken ទៅកាន់ទីក្រុងប៉េកាំង ដែលត្រូវបានគេមើលឃើញថាជាឱកាសដើម្បីកែលម្អទំនាក់ទំនង គឺត្រូវបានលុបចោលភ្លាមៗជុំវិញឧប្បត្តិហេតុនោះ ។

លោក ចូ បៃដិន នៅកិច្ចប្រជុំ G7 (រូបថត៖ Getty Images)

កាលពីថ្ងៃអាទិត្យ ក្នុងសន្និសីទសារព័ត៌មានមួយបន្ទាប់ពីកិច្ចប្រជុំកំពូល G7 នៅទីក្រុងហ៊ីរ៉ូស៊ីម៉ា ប្រទេសជប៉ុន, លោក បៃដិន ត្រូវបានគេសួរថាតើ ហេតុអ្វីបានជាបណ្តាញទូរស័ព្ទបន្ទាន់ដែលបានគ្រោងទុករវាងសហរដ្ឋអាមេរិក និងចិនមិនដំណើរការ? លោកបានឆ្លើយតបថា “អ្នកនិយាយត្រូវ យើងគួរតែមានបណ្តាញទូរស័ព្ទបន្ទាន់ដោយបើកចំហ។ នៅកោះបាលី នោះហើយជាអ្វីដែលលោកប្រធានាធិបតី ស៊ី និងខ្ញុំ បានយល់ព្រម”។

លោក បៃដិន​ បន្ថែមថា “ប៉ុន្តែបន្ទាប់មក បាឡុងបានហោះលើសហរដ្ឋអាមេរិក។ វាត្រូវបានបាញ់ទម្លាក់ ហើយអ្វីគ្រប់យ៉ាងបានផ្លាស់ប្តូរនៅក្នុងលក្ខខណ្ឌនៃការនិយាយគ្នា។ ខ្ញុំគិតថាអ្នកនឹងឃើញ ទំនាក់ទំនងនឹងចាប់ផ្តើមល្អប្រសើរឡើងវិញក្នុងពេលឆាប់ៗនេះ”។

យ៉ាងណាមិញ​ រដ្ឋបាលរបស់លោក បៃដិន ក៏ធ្វើឲ្យចិនខឹងសម្បាផងដែរ ដោយសារតែការកំណត់គោលដៅពាណិជ្ជកម្មលើមីក្រូឈីប ដោយលើកឡើងពីហានិភ័យនៃការប្រើប្រាស់យោធា៕

ប្រែសម្រួល៖ Vann Vann

ប្រភព៖ CNA

ចុចអាន៖ ការស្ទង់មតិ៖ ដូណាល់ ត្រាំ នឹងឈ្នះ ចូ បៃដិន បើអ្នកទាំង២ ប៉ះគ្នាក្នុងការបោះឆ្នោតឆ្នាំ២០២៤

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ ម៉ោង មុន

មន្ត្រីជាន់ខ្ពស់ការងារ ៖ ការអនុវត្តរបបសន្តិសុខសង្គមផ្នែកថែទាំសុខភាព​ដោយស្ម័គ្រចិត្ត ជួយរក្សាលំនឹងប្រាក់ចំណូលក្នុងគ្រួសារកាន់តែប្រសើរ

ព័ត៌មានអន្ដរជាតិ១១ ម៉ោង មុន

រៀបការរួចមិនប៉ុន្មានថ្ងៃ បុរស​ ឥណ្ឌូណេស៊ី​ ម្នាក់ទើបដឹងថា ប្រពន្ធ​គឺជាប្រុសតែងកាយស្រី

ព័ត៌មានជាតិ១១ ម៉ោង មុន

លោក នេត្រ ភក្ត្រា ៖ ស្នាមញញឹមកុមារជាស្នាមញញឹមមាតាបិតា និងថ្នាក់ដឹកនាំគ្រប់លំដាប់ថ្នាក់

ព័ត៌មានជាតិ១១ ម៉ោង មុន

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជំរុញទឹកចិត្តប្រជាពលរដ្ឋទាំងអស់ ឱ្យចូលរួមចលនា ខ្មែរជួយខ្មែរ និងខ្មែរគាំទ្រកសិផលខ្មែរ

ព័ត៌មានអន្ដរជាតិ១២ ម៉ោង មុន

Pre-Wedding លើកទី២លើនាវាប្រណិតរបស់កូនសេដ្ឋី ឥណ្ឌា អាចចាយប្រាក់សុទ្ធ ១៤៤ លានដុល្លារ

Sokha Hotels

ព័ត៌មានពេញនិយម