ព័ត៌មានអន្ដរជាតិ
មិនទាន់ជានាយករដ្ឋមន្ត្រីផង លោក Pita មានរឿងក្ដីក្ដាំជាច្រើនទៅហើយ
បើទោះបីជា មេដឹកនាំគណបក្សចលនាឆ្ពោះទៅមុខ (MFP) លោក Pita Limjaroenrat កំពុងស្ថិតនៅលើផ្លូវឆ្ពោះទៅកាន់តំណែងនាយករដ្ឋមន្ត្រីបន្ទាប់របស់ប្រទេសថៃក៏ដោយ ប៉ុន្តែក៏មានរឿងក្ដីក្ដាំមួយចំនួនកំពុងដាក់បន្ទុកទៅលើរូបលោកផងដែរ ។

ក្រោយជ័យជម្នះដ៏គួរឲ្យភ្ញាក់ផ្អើលរបស់គណបក្សចលនាឆ្ពោះទៅមុខ នៅក្នុងការបោះឆ្នោតសកលកាលពីថ្ងៃទី១៤ ខែឧសភាកន្លងទៅក៏ពិតមែន ប៉ុន្តែលោក Pita ក៏កំពុងប្រឈមមុខនឹងបញ្ហាផ្លូវច្បាប់ផងដែរ បន្ទាប់ពីសកម្មជននយោបាយលោក Ruangkrai Leekitwattana បានអំពាវនាវឲ្យគណៈកម្មការរៀបចំការបោះឆ្នោតថៃ (EC) ស៊ើបអង្កេតទៅលើអនាគតនាយករដ្ឋមន្ត្រីរូបនេះ ។
លោក Ruangkrai បានស្នើទៅដល់គណៈកម្មការរៀបចំការបោះឆ្នោតថៃឲ្យស៊ើបអង្កេតថាតើការកាន់កាប់ភាគហ៊ុនចំនួន ៤២,០០០ របស់លោក Pita នៅក្នុងក្រុមហ៊ុនប្រព័ន្ធផ្សព្វផ្សាយ iTV គឺផ្ទុយនឹងច្បាប់ដែរឬទេ ។ សកម្មជនរូបនេះបានចង្អុលបង្ហាញទៀតថា ការស្នើសុំរបស់លោកទៅកាន់ EC គឺដោយសារតែ រដ្ឋធម្មនុញ្ញថៃហាមមិនឲ្យម្ចាស់ភាគហ៊ុនក្រុមហ៊ុនប្រព័ន្ធផ្សព្វផ្សាយ ចូលរួមប្រកួតប្រជែងក្នុងការបោះឆ្នោតឡើយ ។

ពាក់ព័ន្ធនឹងបញ្ហានេះដែរ កន្លងមកលោក Pita ធ្លាប់បានលើកឡើងថា លោកមិនបានកាន់កាប់ភាគហ៊ុនណាមួយនោះទេ គឺលោកទទួលមរតកអចលនទ្រព្យទាំងប៉ុន្មាននេះពីឪពុករបស់លោកប៉ុណ្ណោះ ។
យោងតាមមាត្រា ៦១ នៃច្បាប់រដ្ឋធម្មនុញ្ញថៃចែងថា គណៈកម្មការរៀបចំការបោះឆ្នោត (EC) អាចដកតំណែងបានតែបុគ្គលណាជាបេក្ខជនតំណាងរាស្ត្រ មុនការបោះឆ្នោតបញ្ចប់ប៉ុណ្ណោះ ។ ដូច្នេះក្នុងន័យនេះ EC មិនអាចដាក់បន្ទុកលើករណីដូចលោក Pita បាននោះទេ ស្របពេលដែលការបោះឆ្នោតក៏បានបញ្ចប់ទៅហើយផងដែរ ពោល EC មិនមានមូលដ្ឋានផ្លូវច្បាប់ក្នុងការដកបេក្ខភាព ឬសមាជិកសភាចេញពីការបោះឆ្នោតនោះទេ ៕

ប្រែសម្រួលដោយ ៖ ជីវ័ន្ត
ប្រភព ៖ Thai PBS

-
KPT+៧ ថ្ងៃ ago
តំបន់កោះដ៏ពេញនិយមសម្រាប់សកម្មភាពកម្សាន្ត របស់ខេត្តកោះកុង
-
ព័ត៌មានជាតិ៥ ថ្ងៃ ago
អាមេរិកគ្រោងដាក់កម្ពុជាក្នុងបញ្ជីលឿង៖សម្ដេចតេជោ ថាជាសិទ្ធិរបស់គេ គ្មានអ្វីត្រូវខ្វល់ តែត្រូវកសាងប្រទេសឱ្យខ្លាំង
-
ព័ត៌មានជាតិ៥ ថ្ងៃ ago
ពីឆ្នាំ២០០៩ ដល់បច្ចុប្បន្ន ឥស្សរជនជាន់ខ្ពស់៥រូប ត្រូវបានតម្លើងឋានន្តរសក្ដិ ថ្នាក់នាយឧត្តមសេនីយ៍ផុតលេខ ផ្កាយមាស៥
-
ព័ត៌មានអន្ដរជាតិ៤ ថ្ងៃ ago
និយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះនៅផ្លូវសឡា សង្កាត់ស្ទឹងមានជ័យទី១
-
ព័ត៌មានជាតិ៤ ថ្ងៃ ago
ព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះឃ្លាំងស្តុកអេតចាយ(មានវីដេអូ)
-
កីឡា២ ថ្ងៃ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី