ព័ត៌មានអន្ដរជាតិ
លោក Kissinger តែងតែគេចសំណួរ និងនិយាយកុហកអំពីការទម្លាក់គ្រាប់បែករបស់ អាមេរិក មកលើ កម្ពុជា
អតីតរដ្ឋមន្ត្រីការបរទេសសហរដ្ឋអាមេរិកលោក Henry Kissinger តែងតែគេចវេសពីសំណួរចាក់ដោតអំពីព្រឹត្តិការណ៍ទម្លាក់បែករបស់អាមេរិកមកលើទឹកដីនៃប្រទេសកម្ពុជាអស់ជាច្រើនទស្សវត្សរ៍ ហើយថែមទាំងបានចំណាយពេលពាក់កណ្ដាលជីវិត និយាយកុហកអំពីតួនាទីរបស់លោកក្នុងការសម្លាប់រង្គាលមួយនេះ ។
នៅឆ្នាំ ១៩៧៣ ក្នុងអំឡុងពេលសវនាការរបស់ព្រឹទ្ធសភាដើម្បីតែងតាំងលោកជារដ្ឋមន្ត្រីការបរទេស, អ្នកការទូតរូបនេះត្រូវបានសួរថា តើលោកយល់ព្រមរក្សាការសម្ងាត់អំពីការវាយប្រហារដោយចេតនាលើប្រទេសកម្ពុជាដែរឬទេ? ភ្លាមៗនោះលោក Kissinger បានឆ្លើយថា “ខ្ញុំគ្រាន់តែចង់បញ្ជាក់ឲ្យច្បាស់ថា វាមិនមែនជាការទម្លាក់គ្រាប់បែកលើប្រទេសកម្ពុជានោះទេ ប៉ុន្តែវាជាការទម្លាក់គ្រាប់បែកទៅលើវៀតណាមខាងជើងនៅកម្ពុជា” ។
ទោះយ៉ាងណា ការអះអាងរបស់អ្នកការទូតដែលបញ្ជាឲ្យមានការទម្លាក់គ្រាប់បែកលើកម្ពុជារូបនេះ ត្រូវបានគេដឹងថា គឺផ្ទុយទៅនឹងព័ស្តុតាងដែលបានមកពីកំណត់ហេតុរបស់យោធាអាមេរិក និងសាក្ស៊ីដែលឃើញហេតុការណ៍ផ្ទាល់ភ្នែក ។
ជាក់ស្ដែងនៅក្នុងសៀវភៅកំណត់ហេតុដែលលោក Kissinger ចងក្រងឡើងដោយខ្លួនឯងក្នុងឆ្នាំ ២០០៣ ដែលមានចំណងជើងថា “ការបញ្ចប់សង្គ្រាមវៀតណាម ឬ Ending the Vietnam War” បុរសវ័យ ១០០ ឆ្នាំរូបនេះបានផ្តល់ការប៉ាន់ស្មាននៃការស្លាប់របស់ជនស៊ីវិលកម្ពុជាពីការវាយប្រហាររបស់សហរដ្ឋអាមេរិក ក្នុងអំឡុងពេលដែលលោកចូលរួមក្នុងជម្លោះមួយនេះ ត្រឹមតែចំនួន ៥ ម៉ឺននាក់ប៉ុណ្ណោះ ។
ប៉ុន្តែឯកសារដែលទទួលបានដោយទីភ្នាក់ងារ The Intercept បានបង្ហាញថា ចំនួននេះគឺជាកុហក ។ តាមពិត ការទម្លាក់គ្រាប់បែករបស់សហរដ្ឋអាមេរិកមកលើកម្ពុជា គឺសាហាវណាស់ និងថែមទាំងជាប់ចំណាត់ថ្នាក់កំពូលមួយ ក្នុងចំណោមយុទ្ធនាការផ្លូវអាកាសដ៏ខ្លាំងក្លាបំផុតក្នុងប្រវត្តិសាស្ត្ររបស់អាមេរិក ។
គួរបញ្ជាក់ថា ចាប់តាំងពីឆ្នាំ ១៩៦៥ ដល់ឆ្នាំ ១៩៧៣ សហរដ្ឋអាមេរិកបានទម្លាក់គ្រាប់បែកមកលើទឹកដីនៃប្រទេសកម្ពុជាជាង ២៣១,០០០ លើក ហើយចន្លោះឆ្នាំ ១៩៦៩ និងឆ្នាំ ១៩៧៣ ពោលអំឡុងពេលដែលលោក Kissinger ជាទីប្រឹក្សាសន្តិសុខជាតិ យន្តហោះរបស់សហរដ្ឋអាមេរិកបានទម្លាក់គ្រាប់បែកសរុប ៥០ ម៉ឺនតោន ឬច្រើនជាងនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Madras Tribune
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង