ព័ត៌មានអន្ដរជាតិ
អ៊ុយក្រែន កំពុងអូសទាញប្រទេសផ្សេងទៀត ឲ្យធ្លាក់ចូលក្នុងជម្លោះជាមួយ រុស្ស៊ី
អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃព្រហស្បតិ៍ទី៦ខែកក្កដាថា ការប៉ុនប៉ងរបស់អ៊ុយក្រែន ដើម្បីទទួលបានជំនួយយោធាបរទេសបន្ថែមទៀត ហើយការនាំប្រទេសផ្សេងឲ្យចូលរួមដោយផ្ទាល់នៅក្នុងជម្លោះ គឺមិនអាចផ្លាស់ប្តូរលទ្ធផលចុងក្រោយបានឡើយ។
ក្នុងជំនួបជាមួយអ្នកសារព័ត៌មាន លោក Peskov ត្រូវបានស្នើសុំឲ្យធ្វើអត្ថាធិប្បាយ លើដំណើរទស្សនកិច្ចរបស់ប្រធានាធិបតីអ៊ុយក្រែនទៅកាន់ប្រទេសប៊ុលហ្គារី ដែលក្នុងនោះ លោក Vladimir Zelensky មានបំណងពិភាក្សាអំពីជំនួយផ្នែកសន្តិសុខបន្ថែមទៀតដល់ទីក្រុងកៀវ។
លោក Peskov និយាយថា “ទីក្រុងកៀវ កំពុងប្រឹងប្រែងអស់ពីសមត្ថភាព ដើម្បីអូសទាញប្រទេសជាច្រើនដោយផ្ទាល់ មកចូលក្នុងជម្លោះនេះតាមដែលអាចធ្វើបាន”។ លោកបន្ថែមថា ប្រទេសមួយចំនួន បានធ្លាក់ចូលទៅក្នុងអរិភាព ពីក្បាលដល់ចុងជើងរួចទៅហើយ។
លោក Peskov បានបញ្ជាក់ថា លោកមិនមានការភ្ញាក់ផ្អើលទេ ដែលកិច្ចពិភាក្សាបែបនេះកំពុងកើតឡើង។ ការពិភាក្សាទាំងអស់នេះ គឺគ្មានឥទ្ធិពលអ្វី លើលទ្ធផលនៃប្រតិបត្តិការយោធាពិសេសឡើយ។
គួរបញ្ជាក់ថា ដំណើរទស្សនកិច្ចរបស់លោក Zelensky ទៅកាន់ប្រទេសប៊ុលហ្គារី កើតឡើងបន្ទាប់ពីរដ្ឋាភិបាលទីក្រុងសូហ្វីយ៉ា បានប្រកាសកញ្ចប់ជំនួយយោធាថ្មីដល់ទីក្រុង កៀវ កាលពីសប្តាហ៍មុន។ ទោះបីជាយ៉ាងណាក៏ដោយ ប៊ុលហ្គារី មិនបានបញ្ជាក់ច្បាស់ថាតើ កញ្ចប់ជំនួយនេះ មានអ្វីខ្លះឬមានតម្លៃប៉ុន្មាននោះទេ៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី៖ ជម្លោះអាចចប់ត្រឹមប៉ុន្មានថ្ងៃប៉ុណ្ណោះ បើអាមេរិក ឈប់ផ្តល់អាវុធឲ្យ អុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ