ស្ថានការណ៍នៅថៃ មិនស្រួល មុនពេលសភា បោះឆ្នោតជ្រើសរើសនាយករដ្ឋមន្ត្រីថ្មី 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលភាពតានតឹងកើនឡើងខ្ពស់ មុនការបោះឆ្នោតជុំទីមួយ រកនាយករដ្ឋមន្ត្រីថ្មីរបស់ប្រទេសថៃ នៅថ្ងៃទី១៣ខែកក្កដា, ប៉ូលិសនិងយោធា បានចាប់ផ្តើមបង្កើនសន្តិសុខ រួមទាំងបង្កើតកន្លែងឃុំឃាំងពិសេសចំនួន៣ផងដែរ ព្រោះមើលទៅឃើញថា ស្ថានការណ៍ដូចជាមិនសូវស្រួល។

ប្រសិនបើលោក Pita Limcharoenrat នៃគណបក្ស ចលនាឆ្ពោះទៅមុខ នៅតែជាបេក្ខភាពនាយករដ្ឋមន្ត្រី ទាំងដែលមិនផ្លាស់ប្តូរជំហររបស់ខ្លួនលើការកែប្រែមាត្រា១១២ដ៏រសើបនៃរដ្ឋធម្មនុញ្ញនោះ, សមាជិកសភា ជាពិសេសអ្នកគាំទ្រយោធា ប្រហែលជាមិនបោះឆ្នោតឲ្យគាត់ធ្វើជានាយករដ្ឋមន្ត្រីថ្មីឡើយ។

នាយកដ្ឋានប៉ូលិសក្រុង កំពុងបង្កើនវិធានការសន្តិសុខនៅតាមតំបន់ដែលមានហានិភ័យខ្ពស់, ទីតាំងឃ្លាំមើល និងចំណុចចល័ត ដើម្បីត្រៀមដោះស្រាយចំពោះភាពចលាចល ឬរំខានដល់រដ្ឋាភិបាល និងទីតាំងសំខាន់ៗ។

ស្របពេលជាមួយគ្នានោះ ប៉ូលិសក្រុងចាប់ពីអង្គភាពទី១ ដលទី៨ នឹងធានាសន្តិសុខទូទាំងទីក្រុង ជាពិសេសនៅតាមចំណុចក្តៅដែលមានសក្តានុពលដូចជា វិមានរដ្ឋាភិបាល, វិមានប្រជាធិបតេយ្យ, សាលារាជធានី, វិមានជ័យជម្នះ, អគាររដ្ឋាភិបាលនៅ Chaeng Wattana, ខាងក្រៅសាកលវិទ្យាល័យ Ramkhamhaeng និងជុំវិញតុលាការកំពូល ក៏ដូចជាផ្លូវបំបែក Pathum Wan៕

ប្រែសម្រួល៖ Vann Vann

ប្រភព៖ Nation

ចុចអាន៖ ដឹងទេ ប្រធានសភា ថៃ ទទួលបានប្រាក់ខែប៉ុន្មាន?