ព័ត៌មានអន្ដរជាតិ
អ្នកគាំទ្រលោក Pita គប់ម្សៅកណ្ដាលមុខសមាជិកសភារបស់លោក Prayuth ហើយថា បក្សភឿថៃភ្លេចរដ្ឋប្រហារហើយ
អ្នកគាំទ្រគណបក្សចលនាឆ្ពោះទៅមុខ (Move Forward) បានសម្រុកចូលទៅក្នុងទីស្នាក់ការកណ្តាលរបស់គណបក្សភឿថៃ ហើយគប់ម្សៅទៅលើមន្ត្រីគណបក្សភឿថៃ និងបក្ស Palang Pracharath (PPRP) ខណៈដែលពួកគេកំពុងរៀបចំជួបអ្នកសារព័ត៌មាន។
កាលពីថ្ងៃទី២៣ ខែកក្កដាកន្លងទៅ គណបក្សភឿថៃ និងគណបក្ស Palang Pracharath បានធ្វើសន្និសីទសារព័ត៌មាននៅម៉ោង ៤ និង ៣០ នាទីរសៀល បន្ទាប់ពីភាគីទាំងពីរបានបើកកិច្ចប្រជុំបិទទ្វារស្ដីពីការកំណត់លក្ខខណ្ឌការងាររួមគ្នា ។ មុនពេលសារព័ត៌មានត្រូវបានហៅចូល ក្រុមអ្នកតវ៉ាបានសម្រុកចូលដោយស្រែកទាំងកំហឹងថា ភឿថៃមិនអាចបង្កើតសម្ព័ន្ធភាពជាមួយគណបក្ស Palang Pracharath របស់លោកឧត្តមសេនីយ៍ Prawit និងគណបក្ស ថៃរួបរួមជាតិ (UTNP) របស់លោក Prayut បាននោះទេ ។
ក្នុងការតវ៉ានេះក្រុមអ្នកគាំទ្រលោក ភីថា បានគប់ម្សៅមួយប្រភេទឈ្មោះ talcum ទៅលើមេដឹកនាំបក្សភឿថៃ លោក Cholnan Srikaew និងសមាជិកសភាមកពីបក្ស Palang Pracharath លោក Thamanat Prompow នៅពេលដែលពួកគេកំពុងដើរទៅកាន់វេទិកានិយាយទៅកាន់អ្នកសារព័ត៌មាន។ ក្រុមបាតុករបាននិយាយថា គណបក្សភឿថៃគួរតែបន្តរួមរស់ជាមួយក្រុមចម្រុះទាំង ៨ ដដែល ហើយគួរតែកុំយកគណបក្សផ្សេងទៀតមកចូលរួមបន្ថែមធ្វើអ្វី ជាពិសេសគណបក្ស Palang Pracharath និងគណបក្សថៃរួបរួមជាតិ (UTNP) ។
ទន្ទឹមនោះ ពួកគេក៏បានរម្លឹកផងដែរថា តើមេដឹកនាំគណបក្សភឿថៃបានបំភ្លេចចោលការបង្ក្រាបដោយយោធាដ៏សាហាវលើបាតុករអាវក្រហមក្នុងឆ្នាំ ២០១០ ហើយឬយ៉ាងណា ។ ជាពិសេសលោក Prayut ជាមួយលោក Prawit បានដឹកនាំរដ្ឋប្រហារយោធាក្នុងឆ្នាំ ២០១៤ ដោយទម្លាក់រដ្ឋាភិបាលជាប់ឆ្នោតរបស់លោកស្រី Yingluck ។ ក្នុងនោះពួកគេទាមទារឲ្យលោក Cholnan លាលែងពីតំណែងជាមេដឹកនាំគណបក្ស ប្រសិនបើបក្ស Palang Pracharath និងបក្សថៃរួបរួមជាតិ ត្រូវបានបន្ថែមទៅក្នុងសម្ព័ន្ធក្រុមចម្រុះ ។
ទោះយ៉ាងណាក៏ដោយ បន្ទាប់ពីមានការរំខាន ទាំងមេដឹកនាំគណបក្សភឿថៃ និងគណបក្ស Palang Pracharath បានដើរចេញផងដែរ ។ លោក Thamanat ដែលជាជំនួយការរបស់លោក Prawit និងលោក Santi អគ្គលេខាធិការបក្ស Palang Pracharath ត្រូវគេរាយការណ៍ថា បានបង្ហាញខ្លួននៅមុនថ្ងៃដើម្បីជួបជាមួយមេដឹកនាំរងគណបក្សភឿថៃផងដែរ ។
ក្រោយមក លោក Cholnan បានប្រាប់អ្នកសារព័ត៌មានថា លោកមិនបានអញ្ជើញគណបក្ស Palang Pracharath ឲ្យពិភាក្សាអំពីការចូលរួមក្នុងក្រុមចម្រុះនោះទេ ប៉ុន្តែដើម្បីបង្ហាញពីជំហររបស់ខ្លួនក្នុងការបោះឆ្នោតជ្រើសរើសបេក្ខជននាយករដ្ឋមន្ត្រីនៃគណបក្សភឿថៃ ។ លោកថា អ្នកតវ៉ាមានសិទ្ធិបញ្ចេញមតិ ប៉ុន្តែលោកបារម្ភពីសុវត្ថិភាពអ្នកសារព័ត៌មាន និងភ្ញៀវ ហើយក៏បានសុំទោសចំពោះឧបទ្ទវហេតុនេះ ។
ដោយឡែក លោក Santi បានមានប្រសាសន៍ថា «បក្ស Palang Pracharath ប្រកាន់ខ្ជាប់នូវគោលការណ៍នៃរបបប្រជាធិបតេយ្យដែលមានព្រះមហាក្សត្រជាប្រមុខ ។ គណបក្សនានាដែលបក្ស Palang Pracharath នឹងធ្វើការជាមួយ មិនត្រូវប៉ះពាល់ ឬកែប្រែមាត្រា ១១២ ឡើយ ។ គណបក្សមិនអាចធ្វើការជាមួយបក្សចលនាឆ្ពោះទៅមុខបានទេ ដោយសារមានគោលនយោបាយនេះ ហើយរដ្ឋធម្មនុញ្ញចែងថា យើងជាជនជាតិថៃ ត្រូវតែគោរពព្រះមហាក្សត្រ» ៕
ប្រែសម្រួល៖ សាង ស្រីល័ក្ខ
ចុចអាន៖ភេសជ្ជៈសំណព្វរបស់កូនស្រីលោក ថាក់ស៊ីន យកមកទទួលថ្នាក់ដឹកនាំធំៗក្នុងស្រុកថៃ មានប្រវត្តិបែបណា?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ