មហាសេដ្ឋី អូស្ត្រាលី ម្នាក់ដឹកគ្រឿងញៀនតាមយន្តហោះតម្លៃ ៧០ លានដុល្លារចូលប្រទេសខ្លួនឯង

លោក Laurence Escalante ត្រូវគេប្រទះឃើញកាន់កាប់គ្រឿងញៀន ពេលទៅទីក្រុង Melbourne ប្រទេសអូស្ត្រាលី តាមយន្តហោះឯកជនតម្លៃ ៧០ លានដុល្លាររបស់គាត់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មហាសេដ្ឋីរូបនេះមានទ្រព្យសម្បត្តិសរុបប្រហែល ៣.៤ ពាន់លានដុល្លារ ហើយគាត់ក៏ជាអ្នកផលិតកម្មវិធីល្បែងស៊ីសងតាមអនឡាញផងដែរ ខណៈដំបូងឡើយ Laurence ត្រឹមតែជាបុគ្គលិកធ្វើការនៅហាងលក់ប៊ឺហ្គឺ Hungry Jacks ដែលទទួលបានប្រាក់កម្រៃត្រឹម ៥.៦៥ ដុល្លារក្នុងមួយម៉ោងប៉ុណ្ណោះ ។

មែនទែនទៅ មហាសេដ្ឋីរូបនេះទើបតែត្រូវតុលាការ Melbourne Magistrates កាត់ទោសកាលពីថ្ងៃព្រហស្បតិ៍ ទី១០ ខែសីហា ឆ្នាំ២០២៣ នេះទេ បន្ទាប់ពីប៉ូលិសរកឃើញ កូកាអ៊ីន ១ ក្រាម ថ្នាំអ៊ិកស្តាស៊ី ១ គ្រាប់ និង LSD ០.០៣ មិល្លីក្រាមកាលពីខែឧសភា ឆ្នាំ ២០២២ ។

សូមបញ្ជាក់ថា មហាសេដ្ឋីវ័យ ៤១ ឆ្នាំខាងលើ បានប្រើយន្តហោះឈ្មោះ “Ferrari of the skies” តម្លៃ ៧០ លានដុល្លារ ដឹកគ្រឿងញៀនមកចុះចតនៅចំណត VIP នៃអាកាសយានដ្ឋាន Tullamarine ក្នុងទីក្រុង Melbourne ។

យ៉ាងណាមិញ លោក Laurence នឹងប្រឈមមុខនឹងការកាត់ទោសនៅថ្ងៃអង្គារ ដោយអាចជាប់ពន្ធនាគាររយៈពេល ១២ ខែ ឬផាកពិន័យជាទឹកប្រាក់ ១៣ ០០០ ដុល្លារទៀតផង ៕

ប្រែសម្រួល៖ វារី

ប្រភព៖ dailymail

ចុចអាន៖ Gigi Hadid ទម្លាយរឿង ត្រូវប៉ូលិសចាប់នៅកោះកៃម៉ាន