អាមេរិក ប្រកាសផ្តល់ជំនួយសន្តិសុខថ្មីតម្លៃ ២០០ លានដុល្លារ ឲ្យអ៊ុយក្រែន

សហរដ្ឋអាមេរិក បានប្រកាសបញ្ជូនជំនួយសន្តិសុខថ្មីតម្លៃ ២០០ លានដុល្លារទៅឲ្យប្រទេសអ៊ុយក្រែន ដោយក្នុងជំនួយនោះ រួមមានទាំងខែលការពារដែនអាកាស គ្រាប់កាំភ្លើងធំ និងឧបករណ៍បោសសម្អាតមីនបន្ថែមផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីការបរទេសអាមេរិក លោក Antony Blinken បាននិយាយក្នុងសេចក្តីថ្លែងការណ៍មួយកាលពីថ្ងៃចន្ទទី១៤ខែសីហាថា ជំនួយនេះ ក៏នឹងរួមបញ្ចូលសព្វាវុធប្រឆាំងរថពាសដែកផងដែរ។

លោកលើកឡើងថា ការគាំទ្រយោធារបស់សហរដ្ឋអាមេរិកសម្រាប់អ៊ុយក្រែន នឹងនៅតែបន្តរហូតដល់រុស្ស៊ីបញ្ចប់សង្គ្រាម ដកកងទ័ពរបស់ពួកគេចេញពីទឹកដីអ៊ុយក្រែន និងបញ្ឈប់ការវាយប្រហារដ៏ឃោរឃៅរបស់ខ្លួន។

ស្របពេលជាមួយគ្នានោះ ប្រធានាធិបតីអ៊ុយក្រែនលោក Volodymyr Zelenskyy បានថ្លែងអំណរគុណចំពោះសហរដ្ឋអាមេរិក សម្រាប់កញ្ចប់ជំនួយថ្មីនេះផងដែរ។

លោកនិយាយក្នុងសុន្ទរកថាកាលពីល្ងាចថ្ងៃដដែលថា “គ្រាប់សម្រាប់ប្រព័ន្ធ Patriot, សម្រាប់ HIMARS, កាំភ្លើងធំ Javelin និងច្រើនទៀត គឺជារបស់ដែលត្រូវការបំផុត។ ​ឆាប់ៗនេះ យើងនឹង​មាន​ការងារ​កាន់​តែ​ច្រើន​ទៀត​​ជាមួយ​ដៃគូ​របស់​យើង ​សម្រាប់​ជា​ប្រយោជន៍​ដល់​ការ​ការពារ”៕

ប្រែសម្រួល៖ Vann Vann

ប្រភព៖ CNA

ចុចអាន៖ អាមេរិក ចំណាយលើអ៊ុយក្រែន ១ឆ្នាំ ច្រើនជាងចំណាយនៅអាហ្វហ្គានីស្ថាន ១២ឆ្នាំទៅទៀត