Connect with us

ព័ត៌មានអន្ដរជាតិ

យោធា មីយ៉ាន់ម៉ា បណ្ដេញអ្នកការទូត ទីម័រខាងកើត ចេញពីប្រទេស

បានផុស

នៅ

យោធាមីយ៉ាន់ម៉ាកាលពីថ្ងៃអាទិត្យបានបញ្ជាឲ្យអ្នកការទូតទីម័រខាងកើតត្រូវតែចាកចេញពីប្រទេសមីយ៉ាន់ម៉ាជាដាច់ខាត ដោយសារតែការចូលរួមជាមួយអង្គការប្រឆាំង ទោះបីជាមានការព្រមានម្តងហើយម្តងទៀតក៏ដោយ ។

មេដឹកនាំយោធាមីយ៉ាន់ម៉ា លោក មីង អ៊ុងឡាំង

យោធាមីយ៉ាន់ម៉ាបានដាក់កំហឹតលើភារធារីរបស់ទីម័រខាងកើតត្រូវតែចាកចេញពីប្រទេសមីយ៉ាន់ម៉ា មិនឲ្យលើសពីថ្ងៃទី១ ខែកញ្ញានោះឡើយ ព្រោះថា យោធាបានចាត់ទុករដ្ឋាភិបាលរួបរួមជាតិគាំទ្រលទ្ធិប្រជាធិបតេយ្យជាក្រុមភេរវករ ពោលរយៈពេល ៣ ខែ បន្ទាប់ពីយោធាបានធ្វើរដ្ឋប្រហារក្នុងខែកុម្ភៈ ឆ្នាំ ២០២១ មក ។

យោធាបាននិយាយទៀតថា សកម្មភាពមិនទទួលខុសត្រូវរបស់រដ្ឋាភិបាលទីម័រខាងកើត មិនត្រឹមតែធ្វើឲ្យប៉ះពាល់ដល់ទំនាក់ទំនងការទូតរវាងប្រទេសទាំងពីរប៉ុណ្ណោះទេ ប៉ុន្តែថែមទាំងលើកទឹកចិត្តដល់ក្រុមភេរវករឲ្យប្រព្រឹត្តបទល្មើសបន្ថែមទៀតនៅក្នុងប្រទេសមីយ៉ាន់ម៉ាផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ រដ្ឋាភិបាលរបស់ទីម័រខាងកើតក៏បានចេញការថ្កោលទោសចំពោះការបណ្តេញចេញនេះផងដែរ ហើយបាននិយាយនៅក្នុងសេចក្តីថ្លែងការណ៍មួយថា “រដ្ឋាភិបាលរបស់ទីម័រខាងកើតបញ្ជាក់សារជាថ្មីអំពីសារៈសំខាន់នៃការគាំទ្រកិច្ចខិតខំប្រឹងប្រែងទាំងអស់សម្រាប់ការវិលត្រលប់នៃសណ្តាប់ធ្នាប់ប្រជាធិបតេយ្យនៅក្នុងប្រទេសមីយ៉ាន់ម៉ា និងបង្ហាញពីសាមគ្គីភាពរបស់ខ្លួនជាមួយប្រជាជនមីយ៉ាន់ម៉ាផងដែរ” ។

កាល​ពី​ខែ​មុន ទីម័រខាងកើត​បាន​អញ្ជើញ​មន្ត្រី​ជាន់​ខ្ពស់​នៃ​រដ្ឋាភិបាល​រួបរួម​ជាតិ​ឲ្យ​ចូល​រួម​ពិធី​ស្បថ​ចូល​កាន់​តំណែង​នាយក​រដ្ឋមន្ត្រី ហើយមន្ត្រីរូបនេះក៏បានជួបជាមួយប្រធានាធិបតីទីម័រខាងកើត និងបានបញ្ជាក់ពីកិច្ចសហប្រតិបត្តិការរបស់ពួកគេដើម្បីស្ដារលទ្ធិប្រជាធិបតេយ្យនៅក្នុងប្រទេសមីយ៉ាន់ម៉ាផងដែរ ។

គួរបញ្ជាក់ថា ចំពោះវិបត្តិនៅមីយ៉ាន់ម៉ានេះដែរ សមាគមប្រជាជាតិអាស៊ីអាគ្នេយ៍ (អាស៊ាន) ក៏កំពុងស្វែងរកការសម្របសម្រួលកិច្ចសន្ទនារវាងយោធាមីយ៉ាន់ម៉ា និងកងកម្លាំងគាំទ្រលទ្ធិប្រជាធិបតេយ្យ ដែលរហូតមកដល់ពេលនេះ បានអូសបន្លាយពេលជាង ២ ឆ្នាំមកហើយ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រធានពេទ្យប៉ូលិស ៖ ពេលនេះសុខភាពលោក ថាក់ស៊ីន កំពុងស្ថិតក្នុង ដំណាក់ការព្រួយបារម្ភ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥១ នាទី មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍១ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៤ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៤ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៥ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម