បែកធ្លាយបញ្ជីសមាជិកគណៈរដ្ឋមន្ត្រីថ្មីរបស់ ថៃ ប៉ុន្តែមិនមានឈ្មោះកូនស្រី​លោក ថាក់ស៊ីន ឡើយ

នាយករដ្ឋមន្ត្រីថ្មីរបស់ថៃលោក សេតថា ថាវីស៊ីន បាននិយាយកាលពីថ្ងៃអាទិត្យថា ជួរគណៈរដ្ឋមន្ត្រីថ្មីរបស់ប្រទេសថៃនឹងត្រូវបានបង្ហាញក្នុងរយៈពេល ៣ ឬ ៤ ថ្ងៃទៀត ខណៈតំណែងកំពូលៗដូចជា នៅក្រសួងហិរញ្ញវត្ថុ ពាណិជ្ជកម្ម និងដឹកជញ្ជូន សុទ្ធសឹងតែស្ថិតក្នុងជួរគណបក្សភឿថៃ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ក៏មានការបែកធ្លាយបញ្ជីសមាជិកគណៈរដ្ឋមន្ត្រីក្រៅផ្លូវការផងដែរថា ក្រៅពីជានាយករដ្ឋមន្ត្រី លោក សេតថា ក៏អាចនឹងកាន់តំណែងជារដ្ឋមន្ត្រីហិរញ្ញវត្ថុ ហើយលោកនឹងមានអនុរដ្ឋមន្ត្រីចំនួន ៦ រូប ស្របពេលលោក Phumtham Wechayachai អាចនឹងក្លាយជារដ្ឋមន្ត្រីក្រសួងពាណិជ្ជកម្ម ខណៈក្នុងបញ្ជីនោះគេមិនឃើញមានឈ្មោះកូនស្រីលោក ថាក់ស៊ីន កាន់តំណែងណាមួយឡើយ ។

ចំណែកលោក Anutin Charnvirakul នឹងក្លាយជារដ្ឋមន្ត្រីក្រសួងមហាផ្ទៃ, លោក Pirapan Salirathavibhaga នឹងធ្វើជារដ្ឋមន្ត្រីថាមពល ខណៈលោក Patcharawat Wongsuwan ជារដ្ឋមន្ត្រីក្រសួងធនធានធម្មជាតិ និងបរិស្ថាន ហើយនេះគឺជារដ្ឋមន្ត្រីចំនួន ១៥ រូបផ្សេងទៀតដែលមានតួនាទីទៅតាមក្រសួង ស្ថាប័ននីមួយៗ៖

• លោកស្រី Puangpetch Chunla-iad នឹងក្លាយជានាយិការខុទ្ទកាល័យនាយករដ្ឋមន្ត្រី

• លោកឧត្តមសេនីយ៍ Thawee Sodsong នឹងក្លាយជារដ្ឋមន្ត្រីក្រសួងយុត្តិធម៌

• លោកឧត្តមសេនីយ៍ Natthaphon Narkpanich នឹងក្លាយជារដ្ឋមន្ត្រីក្រសួងការពារជាតិ

• លោក Cholnan Srikaew នឹងក្លាយជារដ្ឋមន្ត្រីសុខភាពសាធារណៈ

• លោក Parnpree Bahiddha-Nukara នឹងក្លាយជារដ្ឋមន្ត្រីការបរទេស

• លោក Sudaophan Wangsuphakitkosol នឹងធ្វើជារដ្ឋមន្ត្រីក្រសួងកីឡា និងទេសចរណ៍

• លោក Varawut Silpa-archa នឹងធ្វើជារដ្ឋមន្ត្រីក្រសួងអភិវឌ្ឍន៍សង្គម និងសន្តិសុខមនុស្ស

• លោក Songsak Thongsri នឹងក្លាយជារដ្ឋមន្ត្រីនៃឧត្តមសិក្សា វិទ្យាសាស្ត្រ ស្រាវជ្រាវ និងនវានុវត្តន៍

• លោក Thamanat Prompao នឹងក្លាយជារដ្ឋមន្ត្រីកសិកម្ម និងសហករណ៍កសិកម្ម។

• លោក Suriya Juangroongruangkit នឹងក្លាយជារដ្ឋមន្ត្រីដឹកជញ្ជូន។

• លោក Prasert Chantharauangthong នឹងធ្វើជារដ្ឋមន្ត្រីក្រសួងសេដ្ឋកិច្ច និងសង្គមឌីជីថល

• លោក Phiphat Ratchakitprakarn នឹងក្លាយជារដ្ឋមន្ត្រីការងារ

• លោក Sutin Klungsang នឹងធ្វើជារដ្ឋមន្ត្រីក្រសួងវប្បធម៌

• លោក Permpoon Chidchob នឹងក្លាយជារដ្ឋមន្ត្រីក្រសួងអប់រំ

• លោក Chayotid Kridakorn នឹងក្លាយជារដ្ឋមន្ត្រីឧស្សាហកម្ម

ទោះយ៉ាងណា នេះគ្រាន់តែជាបញ្ជីក្រៅផ្លូវការប៉ុណ្ណោះ ខណៈសមាជិកគណៈរដ្ឋមន្ត្រីថ្មីរបស់ថៃដែលដឹកនាំដោយលោក សេតថា ថាវីស៊ីន កំពុងស្ថិតនៅក្នុងការរៀបចំពិភាក្សាគ្នានៅឡើយ ហើយអាចចេញជាផ្លូវការរហូតដល់ចុងខែកញ្ញាខាងមុខឯណោះ ៕

ប្រែសម្រួលដោយ ៖ ជីវ័ន្ត

ប្រភព ៖ Thai PBS

ចុចអាន ៖ ប្រធានពេទ្យប៉ូលិស ៖ ពេលនេះសុខភាពលោក ថាក់ស៊ីន កំពុងស្ថិតក្នុង​ដំណាក់ការព្រួយបារម្ភ