ប្រមុខ WHO ត្រូវធ្វើចត្តាឡីស័កបន្ទាប់ពីប៉ះពាល់អ្នកឆ្លងកូវីដ

ប្រមុខអង្គការសុខភាពពិភពលោក (WHO) បាននិយាយកាលពីយប់ថ្ងៃអាទិត្យទី១ខែវិច្ឆិកាថា លោកបានធ្វើចត្តាឡីស័កដោយខ្លួនឯងបន្ទាប់ពីបានប៉ះពាល់ជាមួយមនុស្សម្នាក់ដែលមានជំងឺកូវីដ១៩ប៉ុន្តែបានសង្កត់ធ្ងន់ថា លោកមិនបានបង្ហាញរោគសញ្ញាអ្វីទេ។

លោក Tedros Adhanom Ghebreyesus បានបង្ហោះ Twitter ថា “ខ្ញុំត្រូវបានគេកំណត់ថាជាមនុស្សមានទំនាក់ទំនងជាមួយមនុស្សម្នាក់ដែលធ្វើតេស្តវិជ្ជមានជំងឺកូវីដ១៩”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្ថែមថា “ខ្ញុំសុខសប្បាយនិងគ្មានរោគសញ្ញាអ្វីទេប៉ុន្តែខ្ញុំនឹងធ្វើចត្តាឡីស័កខ្លួនឯងក្នុងរយៈពេលប៉ុន្មានថ្ងៃខាងមុខនេះស្របតាមពិធីសាររបស់ WHO និងធ្វើការពីផ្ទះ”។

យោងតាមការបូកសរុបរបស់ទីភ្នាក់ងារសារព័ត៌មាន Reuters បានឲ្យដឹងថា ករណីឆ្លងជំងឹកូវីដ១៩នៅអឺរ៉ុបបានកើនឡើងទ្វេដងក្នុងរយៈពេល៥សប្តាហ៍ចុងក្រោយដោយធ្វើឲ្យករណីឆ្លងសរុបរបស់តំបន់នេះកើនឡើងដល់១០លានករណីកាលពីថ្ងៃអាទិត្យ។

កាលពីខែមុន ទាំងអាមេរិកឡាទីននិងអាស៊ីបានរាយការណ៍ថាមានករណីសរុបជាង១០លានករណីនៅក្នុងតំបន់របស់ពួកគេ។ ចំណែកសហរដ្ឋអាមេរិកតែឯង មានករណីជាង៩លានករណីខណៈការឆ្លងកំពុងរាលដាលយ៉ាងឆាប់រហ័ស៕

ប្រែសម្រួលដោយ៖ Vann Vann

ប្រភព៖ AFP/Reuters