អាកាសយានិកទាំងអស់ត្រូវគេប្រាប់កុំបើកយន្តហោះចូលប្រទេស មីយ៉ាន់ម៉ា ឲ្យសោះ

ភីឡុតទាំងអស់ត្រូវបានណែនាំកុំឲ្យហោះហើរទៅកាន់ប្រទេសមីយ៉ាន់ម៉ាបើគ្មានការអនុញ្ញាត។ នេះបើយោងតាមសេចក្តីជូនដំណឹងទៅកាន់អាកាសយានិក (NOTAM) ដែលត្រូវបានមើលឃើញដោយកាសែត Myanmar Times និងចេញដល់ភីឡុតទាំងអស់កាលពីថ្ងៃទី០១ខែមករាម្សិលមិញនេះ។

ការអនុញ្ញាតទាំងអស់កាលពីមុនឲ្យចុះចតនិងហោះចេញពីប្រទេសមីយ៉ាន់ម៉ា ត្រូវបានដកចេញវិញ។ ទាំងនេះរួមបញ្ចូលទាំងជើងហោះហើរជំនួយក្នុងស្រុកនិងអន្តរជាតិផងដែរ។

យោងតាម NOTAM ដែលមើលឃើញដោយកាសែតនេះបានឲ្យដឹងថា ជើងហោះហើរទាំងអស់ត្រូវបានផ្អាក ហើយអាកាសយានដ្ឋានត្រូវបិទរហូតដល់ម៉ោង២៣:៥៩នាទីថ្ងៃទី៣១ខែឧសភា ប៉ុន្តែស្ថានទូតបរទេសនៅក្នុងប្រទេសនេះបានជូនដំណឹងដល់ប្រជាពលរដ្ឋថា ជើងហោះហើរអន្តរជាតិនឹងត្រូវផ្អាករហូតដល់ថ្ងៃទី៣០ខែមេសា។

កាលពីថ្ងៃទី០១ខែកុម្ភៈ យោធាមីយ៉ាន់ម៉ាបានប្រកាសដាក់ប្រទេសក្នុងគ្រាអាសន្នរយៈពេលមួយឆ្នាំ។ អគ្គមេបញ្ជាការកងទ័ពលោក​ Min Aung Hlaing បច្ចុប្បន្នកំពុងកាន់កាប់អំណាចបន្ទាប់ពីការឃុំឃាំងលោកស្រី អ៊ុងសាន ស៊ូជី និងអតីតប្រធានាធិបតី U Min Myint ក្នុងរដ្ឋប្រហារ៕

ប្រែសម្រួលដោយ៖ Vann Vann

ប្រភព៖ Myanmar Times

ចុចអាន៖ មកមើលស្ថានភាពនៅក្នុងរដ្ឋធានីមីយ៉ាន់ម៉ា បន្ទាប់ពីយោធាដណ្តើមអំណាច (មានវីដេអូ)