ចម្លើយសារភាពរបស់ក្មេងប្រុស ដែលបាញ់ប្រហារនៅផ្សារទំនើប Siam Paragon កណ្តាលក្រុងបាងកក

តាមចម្លើយសារភាពរបស់ក្មេងប្រុសអាយុ១៤ឆ្នាំ ដែលបើកការបាញ់ប្រហារក្នុងផ្សារទំនើប Siam Paragon កណ្តាលទីក្រុងបាងកក កាលពីល្ងាចថ្ងៃអង្គារទី៣ខែតុលា គឺដោយសារតែរូបគេ​គិត​ថា ​មាន​អ្នកចង់លបវាយប្រហារខ្លួន ដូច្នេះក៏​​ដក​កាំភ្លើង​ខ្លី​ ​បាញ់យកតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មេងប្រុសជាអ្នក​រស់​នៅ​ក្នុង​តំបន់ Bang Kae រូបនេះ ត្រូវបានប៉ូលិសបញ្ជាក់ថា ជាមនុស្សមានសតិមិនគ្រប់និងញៀនលេងហ្គេមបែបបាញ់ប្រហារនៅលើកំព្យូទ័រ។

ក្នុងការបាញ់ប្រហារនោះ មានជនបរទេសពីរនាក់ បានបាត់បង់ជីវិត ដោយម្នាក់ជាជនជាតិចិន និងម្នាក់ទៀតជាពលករមីយ៉ាន់ម៉ា ខណៈមនុស្សប្រាំនាក់ ក៏ត្រូវរបួសផងដែរ។ ជនជាតិ​ចិន បាន​ស្លាប់​នៅ​នឹង​កន្លែង ចំណែក​ជនជាតិ​មី​យ៉ាន់​ម៉ា ​ស្លាប់​នៅ​មន្ទីរពេទ្យ។

ខ្មាន់​កាំភ្លើង ដែលគេ​មិនបញ្ចេញ​អត្តសញ្ញាណ ​បានដាក់កាំភ្លើងចុះហើយប្រគល់ខ្លួនឲ្យប៉ូលិស នៅក្នុងហាងមួយនៃជាន់ទីបី។ ប៉ូលិសក៏បានរកឃើញកាំភ្លើងខ្លី Glock ស្វ័យប្រវត្តិ ៩មិល្លីម៉ែត្រ នៅជាមួយក្មេងប្រុសផងដែរ។

ជន​បង្កហេតុ ​ត្រូវ​បាន​នាំ​ខ្លួន​ទៅ​កាន់​ប៉ុស្តិ៍​ប៉ូលិស​ក្រុង Pathumwan ដើម្បី​ចាត់​ការ​តាម​ផ្លូវ​ច្បាប់ ខណៈ​ឪពុក​ម្តាយ​ត្រូវ​បាន​កោះ​ហៅ​មក​កាន់​ប៉ុស្តិ៍ប៉ូលិស។

ប៉ូលិសបានចំណាយពេលប្រហែលមួយម៉ោង និង១៥នាទី ដើម្បីចាប់ខ្លួនក្មេងប្រុសដែលកាន់កាំភ្លើង ហើយគ្រប់គ្រងស្ថានការណ៍បាន៕

ប្រែសម្រួល៖ Vann Vann

ប្រភព៖ Nation

ចុចអាន៖ ខ្មាន់កាំភ្លើងក្នុងផ្សារទំនើប Siam Paragon គឺជាក្មេងវក់លេងហ្គេមបែបបាញ់ប្រហារ នៅលើកំព្យូទ័រ