សាកសពទារកទើបនឹងកើត ត្រូវគេរកឃើញក្នុងថង់ប្លាស្ទិកនៅទីក្រុង ហូជីមិញ

កាលពីថ្ងៃចន្ទ ទី២ ខែតុលា ប៉ូលិសវៀតណាមបានស៊ើបអង្កេតករណីឃាតកម្មមួយ បន្ទាប់ពីរកឃើញសាកសពទារកទើបនឹងកើតដែលមានរបួស នៅក្នុងតំបន់ផ្ទះជួលនៃទីក្រុង ហូជីមិញ ។

ដំបូងអ្នកជួលផ្ទះម្នាក់មានទីតាំងលើផ្លូវ Bach Dang ក្នុងស្រុក Binh Thanh បានរកឃើញថង់គួរឱ្យសង្ស័យដែលមានសាកសពទារកក្បែរ​មាត់​ទ្វារ​បន្ទប់ទឹក​នៅ​ជាន់​ទី​១ ហើយធ្វើការរាយការណ៍ទៅប៉ូលិលភ្លាម ។

មិនចាំយូរសមត្ថកិច្ចមូលដ្ឋានបានចុះដល់កន្លែងកើតហេតុ ហើយបានរកឃើញថង់ដាក់សពទារកម្នាក់ដែលរងរបួសចំនួនពីរកន្លែង បណ្តាលមកពីគេប្រើវត្ថុមុតស្រួចចាក់ ។

ទន្ទឹមនឹងនេះ សារព័ត៌មានអនឡាញ Dan Tri រាយការណ៍ថា មន្ទីរពេទ្យ Binh Thanh បានទទួលអ្នកជំងឺជាស្ត្រីវ័យក្មេងម្នាក់ដែលមានសញ្ញាកូនខ្ចី ប៉ុន្តែមិនដឹងកូននៅឯណាទេ ។ ស្ត្រីនោះមាន​អាយុ ២១ ឆ្នាំ​ឈ្មោះ N.T.B.T. មក​ពី​ខេត្ត Binh Thuan ភាគ​ខាង​ត្បូង​ប្រទេស​វៀតណាម ។

បច្ចុប្បន្ន​សមត្ថកិច្ច​កំពុង​សាកសួរ​ស្ត្រី​វ័យក្មេង​ម្នាក់​ខាងលើដែល​គេសង្ស័យថាជា​ ម្តាយ​របស់​ទារក​​ដើម្បី​ផ្ទៀងផ្ទាត់​ហេតុការណ៍​ ៕

ប្រែសម្រួល៖ វារី

ប្រភព៖ ​tuoitrenews

ចុចអាន៖ ឆ្កែអនាថាមួយក្បាល ជួយសង្គ្រោះទារិកាពីធុងសំរាមនៅ ប្រទេសលីបង់