ប៉ាឡេស្ទីន ថា អ៊ីស្រាអែល វាយប្រហារអាកាសសម្លាប់កុមារ ២៦០នាក់នៅ ហ្គាហ្សា

ក្រសួងសុខាភិបាលប៉ាឡេស្ទីនរាយការណ៍ថា កុមារយ៉ាងតិច២៦០នាក់ ត្រូវបានសម្លាប់ដោយការវាយប្រហាររបស់អ៊ីស្រាអែល លើតំបន់ហ្គាហ្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីក្រសួងការបរទេសប៉ាឡេស្ទីន, ការវាយប្រហារអាកាសរបស់អ៊ីស្រាអែល ចាប់តាំងពីថ្ងៃសៅរ៍សប្តាហ៍មុនមក បានបំផ្លាញលំនៅដ្ឋានជាង២២៦០០ និងមណ្ឌលសុខភាពចំនួន១០ ហើយបានបំផ្លាញសាលារៀនចំនួន៤៨។

យន្តហោះចម្បាំងអ៊ីស្រាអែល បាននិងកំពុងទម្លាក់គ្រាប់បែកលើតំបន់ហ្គាហ្សា ដែលមានប្រជាជនរស់នៅច្រើនកុះករ ខណៈគោលដៅចំនួន២៥០ ត្រូវបានវាយប្រហារនៅក្នុងសង្កាត់ al-Furkan នៃទីក្រុង ហ្គាហ្សា ចន្លោះថ្ងៃចន្ទនិងថ្ងៃអង្គារ។

កងកម្លាំងការពារអ៊ីស្រាអែល ចាត់ទុកសង្កាត់នេះថាជា “សម្បុកភេរវកម្ម” ហើយនាយករដ្ឋមន្ត្រីអ៊ីស្រាអែល លោកBenjamin Netanyahu បានប្តេជ្ញាថា ការវាយប្រហារតាមអាកាសនឹងបន្តដោយពេញទំហឹង។

យោងតាមតួលេខចុងក្រោយបំផុត, ចំនួនមនុស្សស្លាប់នៅខាងអ៊ីស្រាអែលមានជាង១០០០នាក់ និងរបួសជាង២៨០០នាក់  ខណៈខាងប៉ាឡេស្ទីន មានមនុស្សស្លាប់ជាង៩០០នាក់ និងរបួស៤៥០០នាក់៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ តួលេខជនបរទេស ស្លាប់នៅអ៊ីស្រាអែល ក្នុងនោះ ថៃ ច្រើនជាងគេ