ព័ត៌មានអន្ដរជាតិ
ជប៉ុនត្រៀមប្រាក់ ៦៥លានដុល្លារ ជួយដល់ប៉ាឡេស្ទីន
រដ្ឋមន្ត្រីការបរទេសជប៉ុន លោកស្រី Yoko Kamikawa បាននិយាយក្នុងកំឡុងដំណើរទស្សនកិច្ចទៅកាន់ប្រទេសអ៊ីស្រាអែល និងហ្ស៊កដានី កាលពីថ្ងៃសុក្រ ទី០៣ ខែវិច្ឆិកា ថា ប្រទេសជប៉ុននឹងផ្តល់ជំនួយមនុស្សធម៌បន្ថែមចំនួន ៦៥លានដុល្លារអាមេរិក ដល់ប៉ាឡេស្ទីនដែលកំពុងហែកហួរដោយសង្រ្គាម។
បន្ថែមពីលើប្រាក់សុទ្ធ ជប៉ុនក៏រៀបចំផែនការដើម្បីផ្ដល់សម្ភារជំនួយដល់តំបន់ហ្គាហ្សាផងដែរ។ ថ្លែងទៅកាន់អ្នកសារព័ត៌មានក្នុងប្រទេសហ្ស៊កដានី បន្ទាប់ពីជួបជាមួយរដ្ឋមន្ត្រីការបរទេសអ៊ីស្រាអែល Eli Cohen និងសមភាគីប៉ាឡេស្ទីន Riyad al-Maliki លោកស្រី Yoko ក៏បាននិយាយផងដែរថា “ជំនួយនេះពិតជាចាំបាច់សម្រាប់អ៊ីស្រាអែល និងប៉ាឡេស្ទីន ដើម្បីអាចរួមរស់ជាមួយគ្នាដោយសន្តិវិធី និងការពារការកើតឡើងម្តងទៀតនៃអំពើភេរវកម្មមួយផ្សេងទៀត” ។
ដំណើរទស្សនកិច្ចនេះ ធ្វើឡើងប៉ុន្មានថ្ងៃមុនពេលប្រទេសជប៉ុន គ្រោងធ្វើជាម្ចាស់ផ្ទះទទួលរដ្ឋមន្ត្រីការបរទេសនៃក្រុមឧស្សាហកម្មចំនួន ៧ នៅក្នុងទីក្រុងតូក្យូ ខណៈដែលវិបត្តិនៅតំបន់ហ្គាហ្សាកាន់តែជ្រៅ ដោយអ៊ីស្រាអែលបានបដិសេធនឹងការអំពាវនាវឱ្យផ្អាកមនុស្សធម៌ ចំណែកមេដឹកនាំក្រុមហេសបូឡាដែលគាំទ្រដោយប្រទេសលីបង់ ព្រមានអំពី ជម្លោះរាលដាលដល់តំបន់ជិតខាង។
គួររំលឹកថា កាលពី ២សប្ដាហ៍មុនប្រទេសជប៉ុនទើបតែបញ្ចេញកញ្ចប់ថវិកាចំនួន ១០លានដុល្លារអាមេរិក ជាជំនួយសង្គ្រោះបន្ទាន់សម្រាប់ជនស៊ីវិលនៅតំបន់ហ្គាហ្សា៕
ប្រែសម្រួល៖ សន្យា
ប្រភព៖ Asiaone
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ