ព័ត៌មានអន្ដរជាតិ

ភ្ញៀវនៅចិន សងសឹកវិញដោយមិនចូលរួមមង្គលការ ព្រោះកូនកំលោះមិនដែលរាប់ញាតិនឹងអ្នកណា

បានផុស

៨ ខែ មុន

នៅ

ថ្ងៃអង្គារ ៧ វិច្ឆិកា ២០២៣

ដោយ

ឧប្បត្តិហេតុមួយបានកើតឡើងនៅភូមិជនបទក្នុងខេត្ត Guizhou ភាគនិរតីនៃប្រទេសចិន ក្នុងពិធីមង្គលការមួយដែលរៀនចំតុដល់ទៅ១០០សម្រាប់ភ្ញៀវមកចូលរួមក្នុងព្រឹត្តិការណ៍។ ប៉ុន្តែបែរគ្មានមនុស្សណាម្នាក់នៅក្នុងភូមិមកចូលរួមនោះទេ។ វាប្រែទៅជារូបភាពនៃពិធីដ៏ស្ងប់ស្ងាត់ និងឯកោបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគេហទំព័រ Hk01 រាយការណ៍ពីអាពាហ៍ពិពាហ៍គ្មានភ្ញៀវ ដែលត្រូវបានចែករំលែក និងរិះគន់យ៉ាងខ្លាំងនៅលើប្រព័ន្ធផ្សព្វផ្សាយអនឡាញរបស់ចិន។ ដោយសារតែពិធីនេះត្រូវបានរៀបចំយ៉ាងធំ ដោយមានតុចិនជាង១០០តុ ប៉ុន្តែហាក់មិនមានអ្នកនៅក្នុងភូមិមកចូលរួម ហើយមានតែសាច់ញាតិពីរបីនាក់ប៉ុណ្ណោះ។ ការឃើញតុ និងកៅអីទទេបានធ្វើឲ្យមុខម្ចាស់ផ្ទះមានអារម្មណ៍ស្ពឹកស្រពន់និងខ្មាសគេយ៉ាងខ្លាំង។

យោងតាមរបាយការណ៍ដដែលបានបញ្ចាក់ទៀតថា ម្តាយរបស់កូនកំលោះក៏ប្រាប់អ្នកភូមិឲ្យមកហូបបាយក្នុងពិធីមង្គលការកូនប្រុសគាត់។ ទោះបីជាមិនអញ្ជើញគ្រប់ផ្ទះក៏ដោយ ប៉ុន្តែតាមប្រពៃណីភូមិ នឹងប្រើពាក្យសម្ដីផ្សព្វផ្សាយព័ត៌មានបន្តគ្នា។ ដល់ថ្ងៃប្រារព្ធពិធីនេះ អ្នកភូមិនឹងមកជុំគ្នាក្នុងពិធីនោះដោយខ្លួនឯង។

ប៉ុន្តែមិនដូចការរំពឹងទុកទេ នៅថ្ងៃរៀបការកន្លែងពិធីត្រូវបានតុបតែងយ៉ាងអធិកអធម។ តុត្រូវបានគេរៀបចំឡើងដើម្បីស្វាគមន៍ភ្ញៀវនៅលើទីធ្លាធំ ប៉ុន្តែមានតែសាច់ញាតិមួយចំនួនប៉ុណ្ណោះដែលមានវត្តមាន មិនមានអ្នកភូមិណាម្នាក់មកចូលរួមពិធីនោះទេ។ សាច់ញាតិ និងកូនក្រមុំរបស់កូនក្រមុំឈរមើលដោយក្តីសោកសៅចំពោះភាពឯកោនៃព្រឹត្តិការណ៍នេះ។

ក្រោយមកទើបគេដឹងថា គ្រួសាររបស់កូនកំលោះធ្លាប់បដិសេធពីអ្នកភូមិមួយចំនួន ដោយនិយាយថាពួកគេមិនអាចចូលរួមក្នុងពិធីណាមួយបានឡើយ។ ហើយនៅទីបំផុត គ្មានអ្នកណាម្នាក់មកកាន់ព្រឹត្តិការណ៍នោះទេ។ ជារួមកាលពីមុនគ្រួសារកូនកំលោះមិនដែលបានចូលរួមពិធីមង្គលការ ឬសកម្មភាពណាមួយក្នុងភូមិ។ លើសពីនេះទៅទៀត គ្រួសាររបស់កូនកំលោះរស់នៅក្នុងទីក្រុង កម្រត្រលប់មកភូមិវិញ។ ដែលនេះជាមូលហេតុគ្មានភ្ញៀវណាមកចូលរួមពិធីមង្គលការរបស់កូនកំលោះនិងកូនក្រមុំ។

ទោះយ៉ាងណាក៏ដោយ ព្រឹត្តិការណ៍បែបនេះ វាមានភាពចម្រូងចម្រាសក្នុងចំណោមអ្នកនិយមលេងអ៊ីនធឺណិត។ អ្នកខ្លះយល់ស្របនឹងទង្វើរបស់អ្នកភូមិ។ ព្រោះគ្រួសារនេះមិនដែលផ្តល់អ្វីឲ្យអ្នកណាឡើយ។ ដូច្នេះមិនបានទទួលអ្វីជាការតបស្នងវិញគឺជារឿងគួរយល់ហើយ ខណៈមនុស្សមួយចំនួនស្នើឲ្យមានដំណោះស្រាយថា អ្នកភូមិនឹងទទួលបានអាហារដោយមិនគិតថ្លៃ ដើម្បីកុំឲ្យខ្ជះខ្ជាយ ហើយពួកគេនឹងស្រឡាញ់គ្រួសារនោះវិញទៀតផង៕

ប្រែសម្រួល៖ សាង ស្រីល័ក្ខ

ប្រភព៖Sannok

ចុចអាន៖ម្ចាស់ក្សត្រីប៊ូតាន បង្ហាញព្រះភ័ក្រក្រោយសម្រាលបុត្រី ខណៈសម្រស់ទ្រង់ធ្វើឲ្យគ្រប់គ្នាភ្ញាក់ផ្អើល