Connect with us

ព័ត៌មានអន្ដរជាតិ

ថៃ បញ្ជាក់ថា មិនមានអ្វីប្លែកឡើយដែល ចិន ផ្អាកជើងហោះហើរចូលមកក្នុង​ប្រទេស

បានផុស

នៅ

អាជ្ញាធរអាកាសចរណ៍ស៊ីវិលថៃ (CAAT) ចេញបញ្ជាក់ថា ការលុបចោល​ជើងហោះហើរពីចិនចូលមកក្នុងប្រទេសថៃ គឺមិនមានអ្វីដែរប្លែកនោះឡើយ ដោយសារតែមានក្រុមហ៊ុនអាកាសចរណ៍ចិន​ជាង ៤០ ភាគរយបានស្នើសុំផ្អាកការហោះហើរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Suttipong Kongpool ប្រធានអាកាសចរណ៍ស៊ីវិលថៃលើកឡើងថា វាជារឿ​ងធម្មតាប៉ុណ្ណោះដែល​ក្រុមហ៊ុនចិន​ផ្អាក​ការហោះហើរមកកាន់ប្រទេសថៃ​ ដោយសារ​តែ​វាជារដូវកាលមិនសូវមានទេសចរចូលមកទស្សនាកម្សាន្ត ទើបធ្វើឲ្យអ្នកដំណើរមានការថយចុះបែបនេះ ។

លោកបន្តថា ក្រុមហ៊ុនអាកាសចរណ៍តែងតែធ្វើដូច្នេះដើម្បីធានាបានប្រាក់ចំណេញ ហើយរហូតមកដល់ពេលនេះ សំណើត្រូវបានធ្វើឡើងស្របតាមបទប្បញ្ញត្តិដែលមានស្រាប់ ។

ក្រោមបទប្បញ្ញត្តិរបស់សមាគមដឹកជញ្ជូនផ្លូវអាកាសអន្តរជាតិ (IATA) បានឲ្យដឹងថា ក្រុមហ៊ុនអាកាសចរណ៍ដែលមានបំណងប្រគល់ពេលវេលាហោះហើរមកវិញ ត្រូវតែជូនដំណឹងដល់អាជ្ញាធរយ៉ាងហោចណាស់ ៧ ថ្ងៃមុនកាលបរិច្ឆេទដែលបានគ្រោងទុក ហើយក្រុមហ៊ុនអាកាសចរណ៍ដែលខកខានក្នុងការធ្វើប្រតិបត្តិការសេវាកម្ម ក្នុងពេលកំពុងកាន់ជើងហោះហើរ អាចប្រឈមនឹងការផាកពិន័យ ឬអាចត្រូវបានរារាំងមិនឲ្យហោះហើរទៅកាន់អាកាសយានដ្ឋានតាមគោលដៅ ។

លោក Suttipong បានឲ្យដឹងទៀតថា ពេលវេលាដែលមិនបានប្រើនោះ នឹងត្រូវបានផ្តល់ឲ្យក្រុមហ៊ុនអាកាសចរណ៍មកពីតំបន់ផ្សេងទៀត ដូចជា អឺរ៉ុបខាងលិច និងតំបន់ Scandinavia ដែលបានបង្ហាញពីចំណាប់អារម្មណ៍ក្នុងការធានាសិទ្ធិចុះចតនៅក្នុងប្រទេសថៃ ។

ប៉ុន្តែ ទោះជាយ៉ាងណាក៏ដោយ ដោយសារទីផ្សារទាំងនេះទំនងជាមិនអាចបង្កើនភ្ញៀវទេសចរច្រើន រដ្ឋាភិបាលកំពុងសម្លឹងមើលទីផ្សារផ្សេងទៀតដូចជា ឥណ្ឌា កាហ្សាក់ស្ថាន រុស្ស៊ី និងតៃវ៉ាន់វិញ ​។

ប្រទេស​ចិន បានរួមចំណែកដ៏ធំបំផុត​នៃកំណើនភ្ញៀវទេស​មកលេងថៃ ខណៈបច្ចុប្បន្ន សេដ្ឋកិច្ចចិនក៏កំពុងជួបប្រទះការធ្លាក់ចុះដូចគ្នា ។​​ យោងតាមការបញ្ជាក់ពី​ CAAT បានឲ្យដឹងថា នៅឆ្នាំក្រោយពេលវេលាហោះហើរ​នឹងមានដល់ ២១,៩២៣ ដង ដែលក្នុងនោះមាន ១៣,២៧៨ ដង ត្រូវបានក្រុមហ៊ុនអាកាសចរណ៍ទទួលយក ។

ដោយឡែកនៅឆ្នាំនេះវិញ ភ្ញៀវទេសចរចិនមានចំនួនត្រឹមតែ ១២.៩ ភាគរយប៉ុណ្ណោះ នៃភ្ញៀវអន្តរជាតិសរុបដែលបានមកដល់ប្រទេសថៃ ប៉ុន្តែសម្រាប់សមាមាត្រនៅឆ្នាំក្រោយអាចនឹងកើនឡើងដល់ ១៥ ទៅ ១៦ ភាគរយ ៕​

ប្រែសម្រួល៖ នាង រតនៈ

ប្រភព៖ Bangkok Post

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម