ព័ត៌មានអន្ដរជាតិ
ចិន ចាត់ទុកការស្លាប់របស់មិត្តចាស់លោក Kissinger ជាការបាត់បង់ដ៏ធំធេងសម្រាប់ពិភពលោក
លោក Liu Pengyu អ្នកនាំពាក្យស្ថានទូតចិនប្រចាំនៅសហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយទៅកាន់សារព័ត៌មាន Sputnik ថា អតីតរដ្ឋមន្ត្រីការបរទេសសហរដ្ឋអាមេរិកលោក Henry Kissinger គឺជាមិត្តចាស់របស់ប្រទេសចិន ហើយចាត់ទុកការស្លាប់របស់គាត់ គឺជាការបាត់បង់ដ៏ធំធេងសម្រាប់ពិភពលោក ។
![](https://www.kampucheathmey.com/wp-content/uploads/2023/11/Kissinger-6.jpg)
លោក Kissinger ជាអ្នកការទូតដ៏លេចធ្លោមួយរូបដែលបានរួមចំណែកក្នុងសុន្ទរកថានយោបាយសហសម័យ និងវិស័យទំនាក់ទំនងអន្តរជាតិ បានទទួលមរណភាពកាលពីថ្ងៃពុធក្នុងវ័យ ១០០ ឆ្នាំនៅឯគេហដ្ឋានរបស់គាត់ក្នុងរដ្ឋ Connecticut សហរដ្ឋអាមេរិក ។
លោក Liu បាននិយាយកាលពីថ្ងៃពុធថា “យើងមានការតក់ស្លុត និងសោកស្ដាយជាពន់ពេកដែលបានដឹងពីមរណភាពរបស់លោកបណ្ឌិត Henry Kissinger ហើយនេះគឺជាការបាត់បង់ដ៏ធំធេងសម្រាប់ប្រទេសរបស់យើង និងពិភពលោក ។ ប្រជាជនចិនឲ្យតម្លៃលើមិត្តភាព ហើយយើងនឹងមិនភ្លេចលោកបណ្ឌិត Kissinger ដែលជាមិត្តចាស់របស់ប្រទេសចិននោះឡើយ” ។
![](https://www.kampucheathmey.com/wp-content/uploads/2023/11/Kissinger-9.jpg)
ស្របពេលជាមួយគ្នានេះ លោក Liu បានបន្ថែមទៀតថា លោក Kissinger បានរួមចំណែកជាប្រវត្តិសាស្ត្រក្នុងការលើកកម្ពស់ ក៏ដូចជាបង្កើនទំនាក់ទំនង ចិន-អាមេរិក រួមជាមួយនឹងការពង្រឹងទំនាក់ទំនងមិត្តភាពរវាងប្រជាជន និងប្រជាជនផងដែរ ។
គួរបញ្ជាក់ថា លោក Henry Kissinger ដែលជាអ្នកយុទ្ធសាស្ត្រខាងភូមិសាស្ត្រនយោបាយដ៏ខ្លាំងក្លាមួយរូប បានកាន់តំណែងជារដ្ឋមន្ត្រីការបរទេសសហរដ្ឋអាមេរិកពីឆ្នាំ ១៩៧៣ ដល់ឆ្នាំ ១៩៧៧ ហើយក៏ធ្លាប់បម្រើការជារដ្ឋលេខាធិការ និងទីប្រឹក្សាសន្តិសុខជាតិ ក្រោមរជ្ជកាលរបស់ប្រធានាធិបតីលោក Richard Nixon និងលោក Gerald Ford ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ