អ៊ីរ៉ង់អាចផលិតគ្រាប់បែកនុយក្លេអ៊ែរក្នុងរយៈពេល ២ ឆ្នាំ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ៊ីរ៉ង់អាចផលិតគ្រាប់បែកនុយក្លេអ៊ែរក្នុងរយៈពេល ២ ឆ្នាំ

Published

on

យោងតាមមន្រ្តីម្នាក់ដែលជាមេបញ្ជាការស៊ើបការណ៍កងកម្លាំងទាហានការពារអ៊ីស្រាអែល (IDF) លោកឧត្តមសេនីយ៍ទោ Tamir Heiman បាននិយាយនៅក្នុងសន្និសីទសារព័ត៌មានមួយដែលដកស្រង់ដោយកាសែត The Jerusalem Post ថា ចារកម្មអ៊ីស្រាអែលជឿជាក់ថា អ៊ីរ៉ង់នៅតែបន្តផ្តល់មូលនិធិដល់កម្មវិធីនុយក្លេអ៊ែរ ទោះបីជាទទួលការវាយលុកផ្នែកសេដ្ឋកិច្ចដ៏ឈឺចាប់កាលពីពេលថ្មីៗនេះ ក៏ដោយ ។

យោងតាមលោក Heiman បានឲ្យដឹងថា ប្រទេសអ៊ីរ៉ង់មានមធ្យោបាយក្នុងការបង្កើតគ្រាប់បែកនុយក្លេអ៊ែរក្នុងរយៈពេល ២ ឆ្នាំ ប្រសិនបើពួកគេសម្រេចចិត្តធ្វើដូច្នោះ ។ ទីក្រុង Tel Aviv បានស្នើថា អ៊ីរ៉ង់រង់ចាំអាមេរិកវិលត្រឡប់ទៅរកកិច្ចព្រមព្រៀងនុយក្លេអ៊ែរ ព្រោះវានឹងបន្ធូរបន្ថយរបបទណ្ឌកម្មធ្ងន់ធ្ងរ ។

លោក Heiman បានបញ្ចេញមតិថា ក្នុងស្ថានភាពបច្ចុប្បន្ន អ៊ីរ៉ង់ចាត់ទុកកិច្ចព្រមព្រៀងនុយក្លេអ៊ែរគឺជាមធ្យោបាយតែមួយគត់នៃវិបត្តិនេះ ហើយហេតុដូចនេះហើយអ៊ីរ៉ង់កំពុងព្យាយាមត្រឡប់ទៅកិច្ចព្រមព្រៀងដែលខ្លួនបានចុះហត្ថលេខាក្នុងឆ្នាំ ២០១៥ ។

FILE – In this Friday, Aug. 20, 2010 file photo, an Iranian security guard walks past a gate of the Bushehr nuclear power plant as its reactor building is seen in background, just outside the city of Bushehr 750 miles (1,245 kilometers) south of the capital Tehran, Iran. The last time Iran’s nuclear envoys held talks with the U.S. and other world powers, the negotiations limped along until a parting shot by the Islamic Republic: Its labs boosted the enrichment levels of uranium in reply to demands for a full-scale freeze. (AP Photo/Vahid Salemi, File)

រដ្ឋបាលថ្មីរបស់អាមេរិកបានធ្វើការបំភិតបំភ័យម្តងហើយម្តងទៀតថា សហរដ្ឋអាមេរិកកំពុងពិចារណាឡើងវិញនូវកិច្ចព្រមព្រៀងនុយក្លេអ៊ែរអ៊ីរ៉ង់ (JCPOA) ប៉ុន្តែអ៊ីរ៉ង់ទទូចថា សហរដ្ឋអាមេរិកត្រូវតែចាត់វិធានការដំបូងឆ្ពោះទៅរកការចរចា និងដកទណ្ឌកម្មចេញ ព្រោះថាទីក្រុងវ៉ាស៊ីនតោនគឺជាអ្នកដំបូងដែលចាកចេញពីសន្ធិសញ្ញានេះ ។

ក្រុងតេអេរ៉ង់បានព្រមានថាមានពេលតិចតួចសម្រាប់ទីក្រុងវ៉ាស៊ីនតោនវិលត្រឡប់មករកកិច្ចព្រមព្រៀង JCPOA វិញ ដោយសារតែច្បាប់ត្រូវបានអនុម័តនៅក្នុងប្រទេសអ៊ីរ៉ង់ បន្ទាប់ពីមានការធ្វើឃាតលើអ្នកវិទ្យាសាស្ត្ររូបវិទ្យានុយក្លេអ៊ែរ Mohsen Fakhrizadeh ដែលរួមមានការបង្កើនសារធាតុអ៊ុយរ៉ានីញ៉ូម និងផ្អាកការធ្វើអធិការកិច្ចរបស់អង្គការសហប្រជាជាតិលើរោងចក្រនុយក្លេអ៊ែររបស់ខ្លួន ប្រសិនបើការដាក់ទណ្ឌកម្មមិនត្រូវបានដកចេញ ។ នៅដើមឆ្នាំនេះអង្គការថាមពលបរមាណូរបស់អ៊ីរ៉ង់បានប្រកាសថា ប្រទេសនេះបានត្រឡប់ទៅអនុវត្តការពង្រឹងជាតិអ៊ុយរ៉ានីញ៉ូមដល់ ២០ ភាគរយនៅឯរោងចក្រប្រេងឥន្ធនៈ Fordow ។

នៅពេលនេះអនាគតរបស់ JCPOA នៅតែស្ថិតក្នុងភាពស្រពិចស្រពិល បន្ទាប់ពីរដ្ឋបាល Trump បានដកអាមេរិកចេញពីកិច្ចព្រមព្រៀងជាឯកតោភាគីកាលពីថ្ងៃទី ៨ ខែឧសភា ឆ្នាំ ២០១៨ ដោយប្រកាសថា អ៊ីរ៉ង់បានរំលោភលក្ខខណ្ឌរបស់ខ្លួន និងដាក់ទណ្ឌកម្មថ្មីប្រឆាំងនឹងទីក្រុងតេរ៉ង់ផងដែរ ។ ទន្ទឹមនឹងនេះសមាជិកដទៃទៀតនៃ JCPOA រួមជាមួយទីភ្នាក់ងារ​​ថាមពល​បរមាណូ​អន្តរជាតិ IAEA បានសង្កត់ធ្ងន់ម្តងហើយម្តងទៀតថា អ៊ីរ៉ង់បានបំពេញគ្រប់លក្ខខណ្ឌនៃកិច្ចព្រមព្រៀង ហើយគ្មានចេតនាអភិវឌ្ឍអាវុធនុយក្លេអ៊ែរទេ ។

ជាការឆ្លើយតបទីក្រុងតេអេរ៉ង់បានរិះគន់ផ្នែកមួយនៃកាតព្វកិច្ចរបស់ខ្លួនក្រោមសន្ធិសញ្ញានេះ បោះបង់ចោលការរឹតត្បិតលើការស្រាវជ្រាវនុយក្លេអ៊ែររួមទាំងការចម្រាញ់សារធាតុអ៊ុយរ៉ានីញ៉ូម និងដកចេញចំនួនដែលត្រូវការសម្រាប់ដំណើរការនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services