ព័ត៌មានអន្ដរជាតិ
អ្នកទេសចរមកពីមជ្ឈិមបូព៌ាសម្រុកកក់បន្ទប់សណ្ឋាគារទៅលេងកម្សាន្តនៅ រុស្ស៊ី
បើយោងតាមទីភ្នាក់ងារព័ត៌មានទេសចរណ៍រុស្ស៊ី RTN បានចុះផ្សាយកាលពីថ្ងៃអង្គារថា នៅក្នុងរដូវរងាឆ្នាំនេះ អ្នកទេសចរនៅមជ្ឈិមបូព៌ាបានសម្រុកកក់បន្ទប់សណ្ឋាគារច្រើនជាងគេក្នុងចំណោមជនបរទេសទាំងអស់ដែលធ្វើដំណើរទៅកម្សាន្តនៅប្រទេសរុស្ស៊ី ។
អ្នកធ្វើដំណើរមកពីអារ៉ាប់រួម អារ៉ាប៊ីសាអូឌីត តួកគី គុយវ៉ែត អូម៉ង់ និងបណ្តាប្រទេសមជ្ឈិមបូព៌ាផ្សេងទៀតបានកក់សណ្ឋាគារច្រើនបំផុត ពោលស្មើនឹង ៣៨ ភាគរយនៃអ្នកទេសចរទាំងអស់ដែលទៅលេងកម្សាន្តនៅប្រទេសរុស្ស៊ី ខណៈដែលឆ្នាំមុនមានត្រឹមតែ ២៣ ភាគរយប៉ុណ្ណោះ ។
សម្រាប់ភ្ញៀវទេសចរអ៊ឺរ៉ុប ដែលធ្វើការកក់បន្ទប់សណ្ឋាគារទៅលេងរុស្ស៊ី មានត្រឹមតែ ១ ភាគ ៤ ប៉ុណ្ណោះនៅក្នុងរដូវរងាឆ្នាំនេះ ពោលធ្លាក់ចុះចំនួន ៣២ ភាគរយ បើប្រៀបធៀបនឹងឆ្នាំមុន ។
ដោយឡែក អ្នកធ្វើដំណើរមកពីបណ្តាប្រទេសនៅអាស៊ីដែលធ្វើដំណើរកម្សាន្តទៅកាន់រុស្ស៊ី រួមមានថៃ ឥណ្ឌា និងចិន មានចំនួន ១៩ ភាគរយនៅ ខណៈអ្នកទេសចរមកពីបណ្តាប្រទេស Commonwealth ដែលជាអតីតទឹកដីក្រោមអាណានិគមអង់គ្លេសមាន ១០ ភាគរយ ។
ចំពោះទីក្រុងដ៏ពេញនិយមបំផុតសម្រាប់ភ្ញៀវទេសចរទៅលេងកម្សាន្តនៅរុស្ស៊ីនោះ គឺនៅតែជាទីក្រុងមូស្គូដែលមានការកក់បន្ទប់ស្នាក់នៅដល់ ៦០ ភាគរយ បន្ទាប់មកគឺទីក្រុង St. Petersburg មាន ១៨ ភាគរយ ។
ប្រែសម្រួល៖ នាង រតនៈ
ប្រភព៖ Xinhua
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង