ព័ត៌មានអន្ដរជាតិ
ថៃ រឹបអូសកូនជ្រូកបង្កកគេចពន្ធ ជាង១០តោន ដែលបម្រុងយកទៅខ្វៃឬអាំងលក់លើទីផ្សារ
តាមការចុះផ្សាយរបស់កាសែតបាងកកប៉ុស្តិ៍, កាលពីថ្ងៃសុក្រទី២២ខែធ្នូ ក្រុមមន្ត្រីបសុសត្វនិងប៉ូលិសថៃ បានរឹបអូសកូនជ្រូកបង្កកខុសច្បាប់ជាង១០តោន ក្នុងប្រតិបត្តិការនៅស្រុក Photharam នៃខេត្ត Ratchaburi ខណៈកូនជ្រូកទាំងនេះត្រូវបានគេដឹងថា បម្រុងយកទៅចែកចាយលើទីផ្សារ ដើម្បីខ្វៃឬអាំងលក់។
ការឆ្មក់ចូល ធ្វើឡើងបន្ទាប់ពីអ្នកស្រុកដាក់ពាក្យបណ្ដឹង ដោយចោទថា កូនជ្រូកគេចពន្ធក្នុងចំនួនដ៏ច្រើន ត្រូវបានរក្សាទុកក្នុងផ្ទះមួយ នៅឃុំ Ban Sing។
ក្នុងប្រតិបត្តិការឆែកឆេរ អាជ្ញាធរបានរកឃើញកូនជ្រូកក្លាសេ ១០.៥ តោន សរុបមានតម្លៃ១.៣លានបាត ហើយម្ចាស់ផ្ទះមិនមានវិញ្ញាបនបត្របញ្ជាក់ប្រភពដើមនៃកូនជ្រូកទាំងនោះ ឬលិខិតអនុញ្ញាតសម្រាប់ការសម្លាប់និងលក់ទេ។
ការរឹបអូសនេះកើតឡើងពីរសប្តាហ៍ បន្ទាប់ពីផ្សារទំនើបម៉ាក្រូរបស់ ថៃ ចេញមុខបកស្រាយ និងពន្យល់ទៅដល់នាយកដ្ឋានស៊ើបអង្កេតពិសេស (DSI) ទាក់ទិននឹងរបាយការណ៍ដែលចោទថា ខ្លួនបានទិញសាច់ជ្រូកបង្កកគេចពន្ធពីក្រុមហ៊ុន Wealthy & Healthy Foods Co Ltd.។
ផ្សារទំនើបម៉ាក្រូ ដែលដំណើរការដោយក្រុមហ៊ុន CP Extra Plc បានចេញសេចក្ដីថ្លែងការណ៍ ថា “ក្រុមហ៊ុនសូមបដិសេធរាល់ការចោទប្រកាន់។ ផ្សារទំនើបម៉ាក្រូ បានបញ្ឈប់ការបញ្ជាទិញសាច់ជ្រូកបង្កកពីក្រុមហ៊ុន Wealthy & Healthy Foods Co Ltd. តាំងពីពាក់កណ្ដាលឆ្នាំ ២០២២ មកម្ល៉េះ ដោយសារតែដឹងថា ផលិតផលទាំងនោះមិនបានបំពេញតាមស្ដង់ដាអនាម័យ និងគុណភាពរបស់ក្រុមហ៊ុន” ។
សេចក្តីថ្លែងការណ៍បន្តថា ផ្សារទំនើបម៉ាក្រូ ក៏បញ្ឈប់ការបញ្ជាទិញថ្លើមជ្រូកពីក្រុមហ៊ុន Wealthy & Healthy Foods Co Ltd. ផងដែរ ដូច្នេះរាល់ការចោទប្រកាន់ គឺជារឿងចាស់តែប៉ុណ្ណោះ ហើយក្រុមហ៊ុនក៏មានឆន្ទៈ សហការជាមួយអាជ្ញាធរដើម្បីបើកការស៊ើបអង្កេតពីប្រតិបត្តិការរត់ពន្ធសាច់ជ្រូកនេះដូចគ្នា៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ផ្សារទំនើបម៉ាក្រូរបស់ ថៃ ចេញបកស្រាយពីការចោទប្រកាន់ថា ទិញសាច់ជ្រូកបង្កកគេចពន្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ