ព័ត៌មានអន្ដរជាតិ
កាសែត New York Times ផ្សាយថា លោក ពូទីន បើកចិត្តចរចាបទឈប់បាញ់នៅ អ៊ុយក្រែន
កាសែត New York Times បានរាយការណ៍ដោយដកស្រង់ប្រភពចេញពីមន្ត្រីជាន់ខ្ពស់រុស្ស៊ី និងអាមេរិកថា លោកប្រធានាធិបតី វ្ល៉ាឌីមៀរ ពូទីន បានផ្ដល់ភ្លើងខៀវចំពោះកិច្ចចរចាបទឈប់បាញ់នៅអ៊ុយក្រែនតាមរយៈសហការីរបស់លោក ចាប់តាំងពីខែកញ្ញាមកម្ល៉េះ ។
កាសែតនេះបានសរសេររ៉ាយរ៉ាប់ថា ចេតនារបស់លោក ពូទីន ពាក់ព័ន្ធនឹងបទឈប់បាញ់នេះគឺបានទៅដល់ដៃរដ្ឋាភិបាលអាមេរិករួចទៅហើយតាមរយៈផ្លូវជាច្រើន រួមទាំងរដ្ឋាភិបាលដែលមានទំនាក់ទំនងជិតស្និទ្ធិជាមួយអាមេរិក និងរុស្ស៊ីផងដែរ ។
ក្នុងអត្ថបទកាសែតនោះបានបញ្ជាក់ទៀតថា លោក ពូទីន បានស្នើឲ្យទទួលស្គាល់អធិបតេយ្យភាពរបស់អ៊ុយក្រែនជាមួយទីក្រុងកៀវ ជារដ្ឋធានី ស្របពេលដែលបច្ចុប្បន្នទឹកដីរបស់អ៊ុយក្រែនប្រមាណ ២០ ភាគរយទៅហើយកំពុងស្ថិតនៅក្រោមការគ្រប់គ្រងរបស់រុស្ស៊ី ។
ទោះបីជាយ៉ាងណាក៏ដោយ ផែនការនេះត្រូវបានគេមើលឃើញថាជាសេណារីយ៉ូ ក៏ដូចជាឆន្ទៈបោកបញ្ឆោតរបស់លោក ពូទីន តែប៉ុណ្ណោះ បន្ទាប់ពីប្រធានាធិបតីអ៊ុយក្រែន លោក Volodymyr Zelensky បានប្ដេជ្ញាហើយថានឹងដណ្តើមយកទឹកដីទាំងអស់របស់ប្រទេសនេះមកវិញ ។
ជាក់ស្ដែងកងទ័ពអាកាសអ៊ុយក្រែនបានបាញ់ទម្លាក់យន្តហោះគ្មានមនុស្សបើករបស់រុស្ស៊ីចំនួន ១៤ គ្រឿងក្នុងចំណោម ១៥ គ្រឿងដែលកងកម្លាំងរដ្ឋាភិបាលទីក្រុងមូស្គូប្រើប្រាស់ក្នុងការវាយប្រហារលើតំបន់ភាគខាងត្បូងនៃទីក្រុង Mykolaiv និងទីក្រុង Zaporizhzhia ។
គួរបញ្ជាក់ថា រហូតមកដល់ពេលនេះ សង្គ្រាមលុកលុយរបស់រុស្ស៊ីលើអ៊ុយក្រែនបានអូសបន្លាយពេលជិត ២ ឆ្នាំទៅហើយ ក្រោយពេលដែលលោកប្រធានាធិបតី វ្ល៉ាឌីមៀរ ពូទីន ប្រកាសបើកប្រតិបត្តិការសឹកលើកងកម្លាំងរដ្ឋាភិបាលទីក្រុងកៀវកាលពីថ្ងៃទី២៤ ខែកុម្ភៈ ឆ្នាំ២០២២ ដោយសារតែគោលបំណងរបស់អ៊ុយក្រែនចង់ចូលអង្គការណាតូ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ខួប ២២ ខែ ៖ រុស្ស៊ី បើកការវាយប្រហារតាមអាកាសជាង ៣០ ដងនៅភាគខាងកើត អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ