ព័ត៌មានអន្ដរជាតិ

គ្រោះរញ្ជួយដីដ៏ខ្លាំងកក្រើកជប៉ុនកំពុងព្រមានពីព្យុះយក្សស៊ូណាមិ

បានផុស

១ year មុន

នៅ

ថ្ងៃចន្ទ ១ មករា ២០២៤

ដោយ

នៅថ្ងៃចន្ទ ទី១ ខែមករា ឆ្នាំ២០២៤ គ្រោះរញ្ជួយដីធ្ងន់កម្រិត ៧.៦រ៉ិចទ័របានវាយប្រហារភាគកណ្តាលប្រទេសជប៉ុនបានបង្កឲ្យមានការព្រមានពីព្យុះយក្សស៊ូណាមិដែលកំពុងណែនាំឲ្យអ្នកស្រុកជម្លៀសចេញ។

តាមសេចក្តីរាយការណ៍របស់ប្រព័ន្ធផ្សព្វផ្សាយ NHK ថា ព្យុះស៊ូណាមិមួយកម្ពស់ប្រហែលជា១ម៉ែត្របានវាយប្រហារតាមផ្នែកខ្លះនៃឆ្នេរសមុទ្រជប៉ុនដែលមានរលកធំៗជាងការរំពឹងទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយនេះបានផ្សាយ បន្ទាប់ពីគ្រោះរញ្ជួយដីបានវាយប្រហារនៅតំបន់ Nato ក្នុងខេត្ត Ishikawa ប្រហែលជាម៉ោង៤ល្ងាច (ម៉ោងនៅប្រទេសជប៉ុន) ថា ៖«អ្នកស្រុកទាំងអស់ត្រូវតែជម្លៀសចេញជាបន្ទាន់ដើម្បីទៅកាន់ទីទួល»។

ទីភ្នាក់ងារឧតុនិយមជប៉ុន បានចេញសេចក្តីព្រមានស៊ូណាមិសម្រាប់ខេត្តមាត់សមុទ្រមានដូចជា ខេត្ត Ishikawa, Niigata និង ខេត្តToyama។ ទីភ្នាក់ងារជប៉ុន និងអាមេរិកជាច្រើនបាននិយាយថា ព្យុះស៊ូណាមិ Hazardous មានកម្ពស់ដល់ទៅ៥ម៉ែត្រដែលអាចវាយប្រហារតាមបណ្តោយឆ្នេរសមុទ្រភាគខាងជើងនៃភាគកណ្តាលប្រទេសជប៉ុននៅថ្ងៃចន្ទដែលមានចម្ងាយ៣០០គីឡូម៉ែត្រពីចំណុចគ្រោះរញ្ជួយដី។

មជ្ឈមណ្ឌលព្រមានស៊ូណាមិប៉ាស៊ីហ្វិកដែលមានមូលដ្ឋាននៅទីក្រុងហាវៃបាននិយាយថា ៖«រលកព្យុះស៊ូណាមិ Hazardous ពីគ្រោះរញ្ជួយដីអាចកើតមានក្នុងចម្ងាយ៣០០គីឡូម៉ែត្រពីចំណុចកណ្តាលតាមបណ្តោយឆ្នេរសមុទ្រ។

ព្យុះស៊ូណាមិកម្ពស់១.២ម៉ែត្រមួយត្រូវបានបញ្ជាក់ថា បានទៅដល់ទីក្រុង Wajima ក្នុងខេត្ត Ishikawa។

ទីភ្នាក់ងារឧតុនិយមជប៉ុនបាននិយាយថា តំបន់ Noto នៅផ្នែកខាងសមុទ្រជប៉ុននៃកោះ Honshu បានជួបគ្រោះរញ្ជួយដីញឹកញាប់ដែលមានកម្រិតចាប់ពី៥.៧រ៉ិចទ័រចាប់ពីម៉ោង៤.០៦ល្ងាច (ម៉ោងក្នុងស្រុក)។

គ្រោះរញ្ជួយដីនេះបានកើតមានឡើង បន្ទាប់ពីរញ្ជួយដីកម្រិត ៧.៦រ៉ិចទ័រនៅម៉ោង៤.១០ ល្ងាច, កម្រិត៦.១រ៉ិចទ័រនៅម៉ោង៤.១៨ល្ងាច, កម្រិត ៤.៥រ៉ិចទ័រនៅម៉ោង៤.២៣ល្ងាច, កម្រិត ៤.៦រ៉ិចទ័រនៅម៉ោង៤.២៩ល្ងាច និងកម្រិត៤.៨រ៉ិចទ័រនៅម៉ោង៤.៣២ល្ងាច៕

ប្រែសម្រួល៖ វីរបុត្រ
ប្រភព៖ NHK