ព័ត៌មានអន្ដរជាតិ
ក្រុមហេសបូឡា បាញ់រះរ៉ុកកែតជាង ៦០ គ្រាប់ហោះទៅបន្ទាយទ័ពអាកាស អ៊ីស្រាអែល
យោងតាមការចុះផ្សាយរបស់សារព័ត៌មាន CNA បានឲ្យដឹងថា ក្រុមប្រដាប់អាវុធហេសបូឡារបស់ប្រទេសលីបង់កាលពីថ្ងៃសុក្របានបាញ់រះរ៉ុកកែតជាង ៦០ គ្រាប់ហោះឆ្ពោះទៅបន្ទាយទ័ពអ៊ីស្រាអែល ដើម្បីជាការសងសឹកទៅនឹងការសម្លាប់អនុប្រធានក្រុមហាម៉ាសនៅទីក្រុងបេរូតកាលពីដើមសប្ដាហ៍នេះ ។
ក្រុមប្រដាប់អាវុធដែលគាំទ្រដោយអ៊ីរ៉ង់មួយនេះបាននិយាយនៅក្នុងសេចក្ដីថ្លែងការណ៍មួយថា “ជាផ្នែកមួយនៃការឆ្លើយតបដំបូងចំពោះការធ្វើឃាតលោក Sheikh Saleh al-Arouri លើមេដឹកនាំដ៏អង់អាចរបស់យើង ចលនាតស៊ូឥស្លាមហេសបូឡាបានបាញ់រះមីស៊ីល ៦២ ប្រភេទខុសៗគ្នាសំដៅទៅលើបន្ទាយទ័ពអាកាស Meron នៅភាគខាងជើងអ៊ីស្រាអែល” ។
ការធ្វើឃាតលោក Aouri កាលពីថ្ងៃអង្គារក្នុងបន្ទាយក្រុមហេសបូឡានៅភាគខាងត្បូងទីក្រុងបេរូតដែលមន្ត្រីការពារជាតិសហរដ្ឋអាមេរិកបានប្រាប់សារព័ត៌មាន AFP ថា រៀបចំឡើងដោយអ៊ីស្រាអែល កំពុងបង្កើនភាពភ័យរន្ធត់នៃការផ្ទុះភ្លើងសង្គ្រាមបន្តែមទៀត ។
ទន្ទឹមនោះ ចាប់ពីផ្ទុះភ្លើងសង្គ្រាមរវាងអ៊ីស្រាអែល និងក្រុមហាម៉ាសកាលពីថ្ងៃទី៧ ខែតុលា ឆ្នាំ២០២៣ មក នៅតាមតំបន់ព្រំដែន អ៊ីស្រាអែល-លីបង់ ក៏មានការបាញ់បោះគ្រាប់រ៉ុកកែតដាក់គ្នាទៅវិញទៅមកមិនមានការស្រាកស្រាន្តនោះដែរ ដោយរយៈពេល ៣ ខែមកនេះមានមនុស្ស ១៧៥ នាក់បានស្លាប់បាត់បង់ជីវិតនៅក្នុងប្រទសលីបង់ ក្នុងនោះមានជនស៊ីវិលជាង ២០ នាក់ រួមទាំងអ្នកសារព័ត៌មាន ៣ នាក់ផងដែរ ។
ស្របពេលជាមួយគ្នានេះ ការបាញ់គ្រាប់រ៉ុកកែតស្រោចដូចទឹកភ្លៀងពីសំណាក់ក្រុមហេសបូឡាក៏ត្រូវបានគេមើលឃើញផងដែរថា គឺដើម្បីជួយជ្រោមជ្រែងទៅដល់ក្រុមប្រដាប់អាវុធប៉ាឡេស្ទីនហាម៉ាសដែលកំពុងជាប់ដៃធ្វើសង្គ្រាមនៅក្នុងតំបន់ហ្គាហ្សាដែលរហូតមកដល់ពេលមានប្រជាជនស្លូតត្រង់ប្រមាណ ២២,៦០០ នាក់បានស្លាប់នៅក្រោមការទម្លាក់គ្រាប់បែកតាមអាកាស និងការវាយសន្ធាប់តាមដីគោកពីសំណាក់កម្លាំងទ័ពអ៊ីស្រាអែល ៕
ប្រែសម្រួលដោយ ៖ ជីវ័ន្ត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង