ព័ត៌មានអន្ដរជាតិ
ស៊ុយអែត ព្រមានថា សង្គ្រាមអាចមកដល់ទឹកដីរបស់ខ្លួនគ្រប់នាទី
ប្រទេសស៊ុយអែតត្រូវតែត្រៀមសក្តានុពលខ្ជាប់ខ្លួនជានិច្ច ដើម្បីប្រឈមមុខជាមួយនឹងរុស្ស៊ី ក្នុងពេលមានស្ថានភាពតឹងតែងដែលអាចកើតឡើងគ្រប់នាទីជាមួយនឹងមហាអំណាចមួយនេះ ។ នេះបើតាមការលើកឡើងរបស់មន្ត្រីជាន់ខ្ពស់របស់ស៊ុយអែត។
ថ្លែងនៅក្នុងសន្និសីទស្តីពីសន្តិសុខ និងការការពារជាតិស៊ុយអែត នៅទីក្រុង Salen លោក Tobias Billstrom រដ្ឋមន្រ្តីការបរទេសស៊ុយអែត ក៏បានអបអរប្រទេសរបស់ខ្លួនដែលខិតជិតទៅក្លាយជាសមាជិកនៃអង្គការណាតូផងដែរ ហើយទន្ទឹមនឹងនោះ លោកក៏បានដាស់តឿនថា រុស្ស៊ីអាចនឹងចិញ្ចឹមចិត្តបន្តគំរាមកំហែងមកដល់សន្តិសុខជាតិស៊ុយអែត និងអឺរ៉ុប ដែលអាចនឹងឃើញកាន់តែច្បាស់នៅពេលអនាគត។
រដ្ឋមន្រ្តីខាងលើ ក៏បានសង្កត់បន្ថែមថា ទីក្រុងស្តុកខុល “ត្រូវតែទទួលស្គាល់ការពិត និងប្រុងប្រៀបជានិច្ច ត្រៀមប្រឈមនឹងស្ថានការណ៍ដែលអាចកើតមាន” ពីសំណាក់រុស្ស៊ី។
បន្ថែមពីនោះ នៅក្នុងសន្និសីទខាងលើ លោករដ្ឋមន្ត្រីការពារជាតិស៊ុយអែត Pal Jonson ក៏លើកឡើងច្បាស់ៗអំពីស្ថានភាពរុស្ស៊ីមកលើទាំងស៊ុយអែត និងអឺរ៉ុបថា “សង្គ្រាមអាចនឹងមកលេងពួកយើង ហើយអ៊ុយក្រែនពេលនេះគឺបីដូចទៅនឹងខែលការពារតំបន់អ៊ឺរ៉ុប” នៅក្នុងស្ថានភាពជម្លោះតានតឹងជាមួយរុស្ស៊ី ។
គួររំឭកផងដែរ កាលពីឆ្នាំ២០២៣កន្លងទៅ ស៊ុយអែតបានបោះបង់នយោបាយជំហរអព្យាក្រឹត្យរបស់ខ្លួន ដោយងាកមករកជំហរចូលរួមជាមួយអង្គការណាតូ ដោយលើកហេតុផលពីសកម្មភាពលុកលុយរបស់រុស្ស៊ីទៅលើអ៊ុយក្រែន កាលពីដើមឆ្នាំ២០២២។ ដោយឡែកប្រទេសក្បែរខាងស៊ុយអែត គឺប្រទេសហ្វាំងឡង់ដែលមានទិសដៅការពារខ្លួនដូចស៊ុយអែតដែរ គឺបានស្រូតរួសរាន់ចូលរួមជាសមាជិកក្នុងសម្ព័ន្ធមិត្តយោធាអង្គការណាតូផងដែរ កាលពីដើមឆ្នាំ២០២៣ ៕
ប្រែសម្រួល៖ មាន រតនា
ប្រភព៖ RT
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន