Connect with us

ព័ត៌មានអន្ដរជាតិ

នាយករដ្ឋមន្ត្រីថ្មីរូបសង្ហារបស់ បារាំង ប្រឡូករឿងនយោបាយតាំងពីរៀននៅ​វិទ្យាល័យ

បានផុស

នៅ

ប្រធានាធិបតីបារាំងលោក Emmanuel Macron បានតែងតែងលោក Gabriel Attal ជានាយករដ្ឋមន្ត្រីវ័យក្មេងបំផុត ចាប់តាំងពីការកកើតសាធារណរដ្ឋទី ៥ ជំនួសតំណែងលោកស្រី Elisabeth Borne ដែលបានសម្រេចចិត្តដាក់លិខិតលាលែងកាលពីថ្ងៃចន្ទ ។

លោក Gabriel Attal

លោក Gabriel Attal ដែលបច្ចុប្បន្នមានវ័យ ៣៤ ឆ្នាំត្រូវបានគេចាត់ទុកថាជាសិស្សដ៏ឆ្នើមមួយរូបនៅក្នុងមុខវិជ្ជាច្បាប់ និងនយោបាយ ដោយសារតែធំធាត់នៅក្នុងគ្រួសារមានឪពុកជាមេធាវី និងជាអ្នកដឹកនាំកុន ខណៈម្ដាយជាបុគ្គលិកធ្វើការនៅក្រុមហ៊ុនផលិតកុនដូចគ្នា ។

កើតក្នុងឆ្នាំ ១៩៨៩ នៅទីក្រុង Clamart ក្បែរទីក្រុងប៉ារីស កុមារា Attal បានចុះឈ្មោះចូលសិក្សានៅសាលាឯកជនមួយកន្លែងក្នុងឆ្នាំ១៩៩៥ ហើយបានបញ្ចប់ថ្នាក់វិទ្យាល័យ និងបន្តឈានជើងចូលថ្នាក់មហាវិទ្យាល័យសិក្សាផ្នែកច្បាប់នៅឯសាកលវិទ្យាល័យ Pantheon-Assas University ពីឆ្នាំ ២០០៨ ដល់ឆ្នាំ ២០១១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មែនទែនទៅ លោក Attal បានប្រឡូកក្នុងសកម្មភាពនយោបាយដំបូងតាំងតែពីរៀននៅថ្នាក់វិទ្យាល័យខ្ទង់ឆ្នាំ ២០០៦ មកម្ល៉េះ ពោលក្នុងពេលដែលលោកចូលរួមក្នុងការតវ៉ាជាមួយយុវជនផ្សេងទៀតនៅប្រទេសបារាំង ។ ទោះយ៉ាងណា Attal តាំងចិត្តមិនបោះបង់ចោលការសិក្សាឡើយ ដោយបញ្ចប់ថ្នាក់មហាវិទ្យាល័យ និងរៀនចប់អនុបណ្ឌិតផ្នែកកិច្ចការសាធារណៈនៅសកលវិទ្យាល័យ Sciences Po នាឆ្នាំ ២០១២ ។

ទាំងស្អាត ឆ្លាត និងសង្ហា បុរសដែលសារព័ត៌មានក្នុងស្រុកចុះផ្សាយថា ស្រលាញភេទដូចគ្នារូបនេះបានប្រកាសចូលរួមជីវិតនយោបាយជាសមាជិកសភារបស់គណបក្សសង្គមនិយម និងត្រូវបានរដ្ឋាភិបាលបារាំងផ្ដល់សេចក្ដីទុកចិត្តឲ្យចាប់ផ្តើមបម្រើការងារជារដ្ឋមន្ត្រីក្រសួងសុខាភិបាលជំនួសលោកស្រី Marisol Touraine ក្នុងឆ្នាំ ២០១២ ដល់ឆ្នាំ ២០១៧  ។

មួយឆ្នាំក្រោយមក ពោលនៅឆ្នាំ ២០១៨ លោក Attal ត្រូវបានតែងតាំងជាអ្នកនាំពាក្យរបស់រដ្ឋាភិបាល និងមានតំណែងជារដ្ឋមន្ត្រីគណនេយ្យសាធារណៈ ក៏ដូចជាតួនាទីខ្លឹមៗផ្សេងទៀតដល់ឆ្នាំ ២០២២ ។ រហូតខែកក្កដា ឆ្នាំ ២០២៣ បុរសវ័យ ៣៤ ឆ្នាំរូបនេះបានសម្រេចចិត្តលាលែងពីមុខតំណែងទាំងនោះ ដើម្បីទទួលកៅអីថ្មីជារដ្ឋមន្ត្រីអប់រំ ប៉ុន្តែទោះជាយ៉ាងណា តំណែងមួយនេះលោកត្រូវរងការរិះគន់យ៉ាងចាស់ដៃពាក់ព័ន្ធទៅនឹងការសម្រេចចិត្តហាមឃាត់សិស្សនិស្សិតស្រីៗមិនឲ្យស្លៀកឈុតឥស្លាម abaya ចូលរៀននោះឡើយដើម្បីធានាការអនុវត្តច្បាប់ទម្លាប់នៅក្នុងការអប់រំនៅទូទាំងប្រទេសបារាំង ។

គួរបញ្ជាក់ថា លោក Gabriel Attal បានចូលអង្គុយកៅអីនាយករដ្ឋមន្ត្រីបារាំងជាផ្លូវការកាលពីថ្ងៃអង្គារ ខណៈបុរសវ័យក្មេងដែលត្រូវបានគេចាត់ទុកជា ផ្កាយកំពុងរះក្នុងជួរគណៈរដ្ឋមន្ត្រីរបស់លោក Macron បានហៅការផ្ដល់សេចក្ដីទុកចិត្តនេះជា សញ្ហាបង្ហាញការជឿទុកចិត្តទៅដល់យុវវ័យ ហើយលោកក៏បានដាក់ចិត្តដាក់កាយប្រឹងប្រែងជួយទៅដល់ជីវភាពរបស់ពលរដ្ឋក្នុងប្រទេសផងដែរ ៕

អត្ថបទ ៖ ជីវ័ន្ត

ចុចអាន ៖ លោក Macron តែងតាំងនាយករដ្ឋមន្ត្រីថ្មី ជាបុរសស្រលាញ់ភេទដូចគ្នា វ័យ ៣៤ ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១០ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ១៦ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម