ក្រុមប្រឹក្សាសិទ្ធិមនុស្ស UN ចេញសេចក្ដីសម្រេចស្ដីពីស្ថានភាពនៅមីយ៉ាន់ម៉ា

ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ (UNHR) បានអនុម័តសេចក្តីសម្រេចចិត្តស្តីពីស្ថានភាពនៅក្នុងប្រទេសមីយ៉ាន់ម៉ា បន្ទាប់ពីរដ្ឋប្រហារយោធាកាលពីថ្ងៃទី ១ ខែកុម្ភៈ ។

វាត្រូវបានអនុម័តដោយការមូលមតិគ្នានៅក្នុងសម័យប្រជុំពិសេសមួយនៅទីក្រុងហ្សឺណែវកាលពីថ្ងៃសុក្រ ។

ប៉ុន្តែចិន រុស្ស៊ី និងប្រទេសផ្សេងទៀតបានដកខ្លួនចេញ ។ ប្រេសិតរបស់ពួកគេបាននិយាយថា ពួកគេកំពុងផ្តាច់ខ្លួនចេញពីដំណោះស្រាយនេះ ។

ចំណែកឯកអគ្គរដ្ឋទូតមីយ៉ាន់ម៉ាបានហៅឯកសារនេះថាមិនអាចទទួលយកបានទេ ។

អ្នករាយការណ៍ពិសេសរបស់ UN លោក Thomas Andrews បានថ្កោលទោសចំពោះអ្វីដែលលោកបានពិពណ៌នាថាជាការឃុំឃាំងដោយបំពានទៅលើមន្រ្តីរដ្ឋាភិបាល និងមេដឹកនាំសិទ្ធិមនុស្ស ។

លោកក៏បានលើកឡើងពីរបាយការណ៍ដែលកំពុងកើនឡើង និងភ័ស្តុតាងរូបថតដែលកម្លាំងសន្តិសុខបានប្រើប្រាស់គ្រាប់ពិតប្រឆាំងនឹងក្រុមបាតុករ ។

ដំណោះស្រាយនេះសង្កត់ធ្ងន់ទៅលើភាពចាំបាច់ក្នុងការចៀសវាងអំពើហិង្សា និងការគោរពសិទ្ធិ មនុស្សសេរីភាពជាមូលដ្ឋាន និងនីតិរដ្ឋ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ Breaking News! បាតុករមីយ៉ាន់ម៉ាដែលត្រូវប៉ូលិសបាញ់គ្រាប់ពិតចំក្បាល ស្លាប់ហើយ

ចុចអាន ៖ នៅថ្ងៃបុណ្យឯករាជ្យ យោធាមីយ៉ាន់ម៉ាប្រកាសលើកលែងទោសដល់អ្នកទោសជាង ២៣,០០០ នាក់