ព័ត៌មានអន្ដរជាតិ
ហ្វីលីពីន គ្រោងបង្កើនសមត្ថភាពទ័ពលើកោះនៅសមុទ្រចិនខាងត្បូង ដោយមានខ្នងបង្អែកពី អាមេរិក
មេទ័ពកំពូលរបស់ប្រទេសហ្វីលីពីនលោក Romeo Brawner បានប្រាប់អ្នកសារព័ត៌មានថា ហ្វីលីពីននឹងធ្វើការអភិវឌ្ឍបន្ទាយទ័ព ក៏ដូចជាបង្កើនកងនាវាចរ និងរ៉ាដាចាប់សញ្ញានៅលើកោះក្នុងសមុទ្រចិនខាងត្បូងដែលត្រូវបានចាត់ទុកជាផ្នែកមួយនៃទឹកដីរបស់ខ្លួន សម្រាប់ជាកន្លែងជ្រកកោនរបស់កងទ័ព ។ នេះបើយោងតាមការចុះផ្សាយដោយសារព័ត៌មានហ្វីលីពីន ABS-CBN News នៅថ្ងៃទី១៦ ខែមករានេះ ។
ក្រៅពីតំបន់ថ្មប៉ប្រះទឹក Second Thomas Shoal, រដ្ឋាភិបាលទីក្រុងម៉ានីលក៏បានក្ដោបក្ដាប់ទីតាំងសំខាន់ៗចំនួន ៨ ផ្សេងទៀតនៅក្នុងសមុទ្រចិនខាងត្បូង ហើយចាត់ទុកវាជាផ្នែកមួយនៃតំបន់សេដ្ឋកិច្ចផ្ដាច់មុខរបស់ខ្លួន ខណៈទីតាំងពិសេសៗទាំង រួមមានកោះ Thitu ដែលជាកោះធំជាងគេបំផុត និងជាទីតាំងយុទ្ធសាស្ត្រនៅក្នុងសមុទ្រចិនខាងត្បូងស្ថិតនៅចម្ងាយប្រហែល ៤៨០ គីឡូម៉ែត្រភាគខាងលិចនៃខេត្ត Palawan របស់ប្រទេសហ្វីលីពីន ។
ថ្លែងបញ្ជាក់ក្រោយចូលរួមសន្និសីទនៅទីបញ្ជាការកណ្ដាលយោធាដែលមានការអញ្ជើញចូលរួមពីសំណាក់លោកប្រធានាធិបតី Ferdinand Marcos Jr., លោកមេទ័ព Brawner បានលើកឡើងថា “យើងចង់ធ្វើឲ្យប្រសើរឡើងបន្ថែមទៀតនូវទីតាំងទាំង ៩ ជាពិសេសកោះដែលយើងកំពុងក្ដោបក្ដាប់ក្នុងដៃ ហើយយោធាក៏ចង់នាំយកម៉ាស៊ីនចម្រុះទឹកទៅកាន់កងទ័ពដែលកំពុងប្រុងជើងការលើខ្មោចនាវាចម្បាំង ដែលហ្វីលីពីនមានចេតនាចូលចតនៅតំបន់ថ្មប៉ប្រះទឹក Second Thomas Shoal កាលពីឆ្នាំ ១៩៩៩ ដើម្បីអះអាងពីការទាមទារអធិបតេយ្យភាពរបស់ខ្លួន” ។
ទោះយ៉ាងណា សារព័ត៌មានរុស្ស៊ី Sputnik បានចុះផ្សាយពីផែនការរបស់ហ្វីលីពីននៅសមុទ្រចិនខាងត្បូងនេះ គឺមានខ្នងបង្អែកពីសហរដ្ឋអាមេរិក ដែលជាសម្ព័ន្ធមិត្តដ៏តាន់មួយរបស់ហ្វីលីពីននៅក្នុងតំបន់ ខណៈក្នុងរយៈពេលប៉ុន្មានឆ្នាំថ្មីៗនេះ រដ្ឋាភិបាលទីក្រុងវ៉ាស៊ីនតោនបានផ្លាស់ប្តូរគោលនយោបាយឆ្ពោះទៅរក “ការប្រកួតប្រជែងអំណាច” ជាមួយប្រទេសចិន ដោយច្បាមយកទីក្រុងម៉ានីលជាទីតាំងមួយនៅក្នុងដំណើរស្វែងរកដាក់សម្ពាធលើទីក្រុងប៉េកាំង ។
គួរបញ្ជាក់ថា ភាពតានតឹងកាន់តែខ្លាំងឡើងរវាងហ្វីលីពីន និងចិននៅសមុទ្រចិនខាងត្បូងបានផ្ទុះជាថ្មី ចាប់តាំងពីថ្ងៃទី៤ ខែតុលា ឆ្នាំ២០២៣ នៅពេលកប៉ាល់ហ្វីលីពីនមិនព្រមស្ដាប់ការព្រមានពីសំណាក់ឆ្មាំសមុទ្រចិនមិនឲ្យបើកឆ្លងកាត់តំបន់ថ្មប៉ប្រះទឹក Second Thomas Shoal នៅប្រជុំកោះ Spratly ក្នុងដំណើរនាំយកគ្រឿងផ្គត់ផ្គង់ទៅកាន់ខ្មោចកប៉ាល់ ៕
ដោយ ៖ សុខ ជីវ័ន្ត
ចុចអាន ៖ អាមេរិក និងចិន ប្រតិកម្មយ៉ាងណាខ្លះ បន្ទាប់ពី តៃវ៉ាន់ ជ្រើសរើសបាន ប្រធានាធិបតីថ្មី
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៦ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ