Updated÷ ស្គាល់អត្តសញ្ញាណអ្នកស្លាប់ចំនួន ២០ នាក់ ក្នុងហេតុការណ៍ផ្ទុះរោងចក្រកាំជ្រួច នៅប្រទេសថៃ

ករណីផ្ទុះនៅរោងចក្រកាំជ្រួចមួយកន្លែងនៅជិតទីប្រជុំជន Sala Khao ក្នុងខេត្ត Suphan Buri ប្រទេសថៃ បានសម្លាប់មនុស្ស ២៣ នាក់ ហើយគិតត្រឹមម៉ោងនេះ បានរកឃើញអត្តសញ្ញាណសាកសពចំនួន ២០នាក់ និង ៣នាក់ទៀត មិនទាន់បានស្គាល់ច្បាស់នៅឡើយ ។យោងតាមរបាយការណ៍ពីសារព័ត៌មាន Khaosod បានឱ្យដឹងថា ឧបទវហេតុដ៏រន្ធត់នេះ បានបណ្ដាលឱ្យមានមនុស្សស្លាប់ ២៣ នាក់ និងរបួស ៦ នាក់កំពុងសង្គ្រោះបន្ទាន់នៅមន្ទីរពេទ្យ ។

ចំពោះសាកសពដែលរកឃើញអត្តសញ្ញាណចំនួន ២០នាក់ មានឈ្មោះដូចជា÷

១. ឈ្មោះ Namfon ភេទស្រី (ជនជាតិបរទេស), ២. ឈ្មោះ Payao Bunklom ភេទស្រី, ៣. ឈ្មោះ Bunthua Thongsamrit ភេទស្រី, ៤. ឈ្មោះ Thaweesak Thongsamrit ភេទប្រុស, ៥. ឈ្មោះ Ratchanee Panton ភេទស្រី, ៦. ឈ្មោះ Rungroj Ounnoi ភេទប្រុស, ៧. ឈ្មោះ Somnuek Bunklong ភេទស្រី, ៨. ឈ្មោះ Manop Chadphanin ភេទស្រី, ៩. ឈ្មោះ Pornthip Phantaeng ភេទស្រី, ១០. ឈ្មោះ Keng ភេទប្រុស, ១១. ឈ្មោះ Tuenjai Yimyaem ភេទស្រី, ១២. ឈ្មោះ Samran Saithong ភេទប្រុស, ១៣. ឈ្មោះ Somkath Chaengwithi ភេទប្រុស, ១៤. ឈ្មោះ Suchada Phanpuek ភេទប្រុស, ១៥. ឈ្មោះ Passorn Nakasompong ភេទស្រី, ១៦. ឈ្មោះ Rampai Kenma ភេទស្រី, ១៧. ឈ្មោះ Sophon Soykhakhao ភេទប្រុស, ១៨. ឈ្មោះ Saengduean Prangchan ភេទស្រី, ១៩. ឈ្មោះ Tum Prangchan ភេទប្រុស, ២០. ឈ្មោះ Maen Kwan-on ភេទស្រី។

ជាមួយគ្នានេះដែរ អ្នកភូមិបានប្រាប់ទៅកាន់សារព័ត៌មាន Khaosod ថា ក្នុងចំណោមអ្នកស្លាប់ទាំង ២៣នាក់នោះ ក៏មានប្រពន្ធ និងកូនម្នាក់ របស់ថៅកែរោងចក្រផងដែរ ខណ:ដែលបុរសថៅកែរោងចក្រមានសំណាងល្អមិនស្លាប់ ដោយសារគាត់រវល់មានភារកិច្ចខាងក្រៅ ។

សូមរំឮកផងដែរថា នៅម៉ោងប្រហែល ៣ រសៀល ថ្ងៃទី១៧ ខែមករា នេះ មានករណីផ្ទុះនៅរោងចក្រកាំជ្រួចមួយកន្លែងនៅជិតទីប្រជុំជន Sala Khao ក្នុងខេត្ត Suphan Buri ប្រទេសថៃ ។ជាមួយគ្នានេះដែរ លោកឧត្តមសេនីយ៍ឯក Naiyawat Phademchid បានឱ្យដឹងថា ដំណឹងដ៏ក្រៀមក្រំនេះ បានដឹងទៅដល់លោក នាយករដ្ឋមន្ត្រី Srettha Thavisin ហើយ ដោយពេលនេះលោក កំពុងស្ថិតនៅប្រទេសស្វីសចូលរួម វេទិកាសេដ្ឋកិច្ចពិភពលោក ។ ហើយយ៉ាងណាក៏ដោយលោក Srettha Thavisin ក៏បានចេញសេចក្ដីថ្លែងការមួយសម្ដែងការសោកស្ដាយចំពោះគ្រួសារអ្នកស្លាប់ តាមរយៈបណ្ដាញសង្គមរបស់លោក ៕

ប្រែសម្រួលដោយ÷ ប៉ោ កុសល

ប្រភព÷ Khaosod