Connect with us

ព័ត៌មានអន្ដរជាតិ

វិមាន Arch of Reunification ដែលតំណាងឱ្យស្មារតីផ្សះផ្សារជាតិរវាងកូរ៉េទាំងពីរ ត្រូវបានកម្ទេច?

បានផុស

នៅ

វិមាន Arch of Reunification ដែលជាទីតំណាងឱ្យស្មារតីផ្សះផ្សារជាតិរវាងកូរ៉េទាំងពីរ ដែលមានមូលដ្ឋាននៅទីក្រុងព្យុងយ៉ាង ត្រូវបានគេសង្ស័យថា បានកម្ទេចចោលរួចហើយ នេះបើយោងតាមការមើលឃើញទីតាំងខាងលើតាមរយៈផ្កាយរណប កាលពីថ្ងៃអង្គារ ។

យោងតាមប្រភពព័ត៌មានពី Reuter បានឱ្យដឹងថា វិមាន Arch of Reunification អាចនឹងត្រូវមេដឹកនាំកូរ៉េខាងជើងលោក គីម ជុងអ៊ុន បញ្ជាឱ្យកម្ទេចចោល ក្រោយពីលោក បានប្រកាសហៅឈ្មោះកូរ៉េខាងត្បូងថា ជា “សត្រូវដ៏សំខាន់” កាលពីសប្ដាហ៍មុន ។

វិមាន Arch of Reunification(រូបភាពពី: Reotur)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នាដែរ ប៉ុន្មានថ្ងៃមុននេះលោក គីម ជុងអ៊ុន បានបញ្ជាឱ្យប្រព័ន្ធឃោសនាស័ព្ទក្នុងប្រទេស ចាក់ផ្សាយថា កូរ៉េខាងជើងនឹងកម្ទេចចោលនូវវិមាន Arch of Reunification ដែលជីតា និងឪពុករបស់លោកផ្ដួចផ្ដើមសាងសង់ក្នុងឆ្នាំ ២០០១ ដើម្បីតំណាងឱ្យស្មារតីផ្សះផ្សាជាតិឡើងវិញរវាងកូរ៉េខាងត្បូង និងខាងជើង ។ លើសពីនេះលោក គីម ថែមទាំងបានគម្រាមថា សង្គ្រាមនៅឧបទ្វីបកូរ៉េ អាចនឹងកើតមានឡើងគ្រប់ពេល ដែលសកម្មភាពនេះនាំឱ្យអ្នកវិភាគមួយចំនួនលើកឡើងថា លោក គីម កំពុងរៀបចំយុទ្ធសាស្ត្រធ្វើសង្គ្រាម ។

វិមាន Arch of Reunification មានកម្ពស់ ១០០ ហ្វីត (៣០.៤៨ ម៉ែត្រ) និងទទឹង ៣០០ ហ្វីត (៩១.៤៤ ម៉ែត្រ) បង្ហាញរូបសំណាក់ស្ត្រីកូរ៉េពីរនាក់នៅក្នុងសម្លៀកបំពាក់ប្រពៃណីកាន់និមិត្តសញ្ញានៃឧបទ្វីបកូរ៉េទាំងមូល ដែលជានិមិត្តរូបនៃកូរ៉េភាគខាងជើង និងខាងត្បូង។ សម្រាប់ព័ត៌មាន ដែលទទួលបានតាមរយ:ផ្កាយរណបកាលពីថ្ងៃអង្គារ បង្ហាញថាវិមានមួយនេះត្រូវបានកម្ទេចនោះ នៅមិនទាន់ច្បាស់ការនៅឡើយទេ ប៉ុន្តែគេជឿជាក់ថា លោក គីម ជុងអ៊ុន អាចនឹងធ្វើវាពិតប្រាកដមែន ៕

ប្រែសម្រួលដោយ÷ ប៉ោ កុសល

ប្រភព÷ Yahoo, CNA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម