Connect with us

ព័ត៌មានអន្ដរជាតិ

អ៊ុយក្រែន ប្រកាសបើកប្រតិបត្តិការថ្មី វាយបកទៅ រុស្ស៊ី 

បានផុស

នៅ

ក្រោយប្រតិបត្តិការវាយបកលើកមុន ហាក់មិនទទួលបានផ្លែផ្កា ពេលនេះប្រមុខចារកម្មយោធាអ៊ុយក្រែន​ បានប្រាប់ទៅកាសែត Telegraph ថា កងកម្លាំងទីក្រុងកៀវ នឹងបើកប្រតិបត្តិការវាយបកថ្មីទៀតទៅរុស្ស៊ីនៅនិទាឃរដូវខាងមុខ។

(រូបថត៖ Le Monde)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ គេមិនច្បាស់ទេថាតើ អ៊ុយក្រែន មានសព្វាវុធនិងកម្លាំងទ័ពគ្រប់គ្រាន់ដែរឬអត់សម្រាប់យុទ្ធនាការថ្មីនេះ។

លោក Kirill Budanov អះអាងថា ប្រតិបត្តិការវាយលុករបស់រុស្ស៊ីនៅជុំវិញតំបន់ Kupyansk, Liman, Artyomovsk និង Avdeevka ច្បាស់ជាអន់ខ្សោយនៅដើមនិទាឃរដូវ។ ​យើងប្រយុទ្ធ សត្រូវក៏ប្រយុទ្ធ​។ ពេលដែលសត្រូវបញ្ចប់ វាដល់ពេលរបស់យើងវិញម្តង”។

ប្រមុខចារកម្មយោធាអ៊ុយក្រែនលោក Kirill Budanov (រូបថត៖ Alamy)

រឿងនេះកើតឡើងមួយខែ បន្ទាប់ពីប្រធានាធិបតីអ៊ុយក្រែន លោក វ្ល៉ាឌីមៀរ ហ្សេលេនស្គី បានប្រកាសពីផែនការ កែនទាហានថ្មីប្រមាណ ៥០០០០០ នាក់ ដើម្បីទប់ទល់ ចំពោះការទ័ពពលីជីវិតចាប់តាំងពីជម្លោះផ្ទុះឡើងកាលពីជិតពីរឆ្នាំមុន។

ថ្វីបើអ៊ុយក្រែនមិនបញ្ចេញតួលេខជនរងគ្រោះក៏ពិតមែន ប៉ុន្តែក្រសួងការពារជាតិរុស្ស៊ី ប៉ាន់ស្មានថា ចាប់តាំងពីខែកុម្ភៈឆ្នាំ២០២២មក ទីក្រុងកៀវ ស្លាប់ទាហានជិត៤០០០០០នាក់ហើយ។

ប្រធានាធិបតីអ៊ុយក្រែន លោក វ្ល៉ាឌីមៀរ ហ្សេលេនស្គី (រូបថត៖ Getty)

បើងាកមើលការវាយបករបស់អ៊ុយក្រែនកាលពីខែមិថុនាវិញ, ប្រតិបត្តិការនោះបានអូសបន្លាយរហូតដល់ខែតុលា ដោយកងកម្លាំងទីក្រុងកៀវ ប៉ុនប៉ងវាយលុកខែលការពាររបស់រុស្ស៊ីនៅតាមទីតាំងជាច្រើនទូទាំងតំបន់ Kherson, Zaporzhye និង Donetsk។

ពេលនោះ ពួកគេទទួលបានការបំពាក់បំប៉នយ៉ាងដិតដល់និងទទួលបានជំនួយក្រាស់ក្រែលពីលោកខាងលិចទៀត ប៉ុន្តែពួកគេនៅតែរងបរាជ័យក្នុងការដណ្តើមយកទឹកដីសំខាន់ណាមួយមកវិញ ហើយបណ្តាលឲ្យទីក្រុងកៀវបាត់កម្លាំងទ័ពប្រហែល១៦០០០០នាក់ ចុះទម្រាំពេលនេះ?

អត្ថបទ៖ សុខ សុវណ្ណ

ចុចអាន៖ រុស្ស៊ី និងអ៊ុយក្រែន បច្ចប់សកម្មភាព ដោះដូរអ្នកទោសរបស់ពួកគេ ទៅវិញទៅមក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម