ផ្ទុះការចាប់អារម្មណ៍លើបុរសវៀតណាម២រូប លក់ផ្កាស្បៃរឿងមុនចូលឆ្នាំថ្មីមកដល់

ក្នុងរយៈពេលប៉ុន្មានថ្ងៃចុងក្រោយនេះ អ្នកប្រើប្រាស់បណ្ដាញសង្គមហ្វេសប៊ុកវៀតណាម បាននិងកំពុងចាប់អារម្មណ៍យ៉ាងខ្លាំង ចំពោះការបង្ហោះអំពីបុរសសង្ហា សាច់ដុំកង់ៗសខ្ចីពីរនាក់អង្គុយក្បែរផើងផ្កាស្បៃរឿងនៅតាមផ្លូវ។ នៅជាប់នឹងពួកគេក៏មានក្តារខៀនមួយសរសេរយ៉ាងលម្អិតថា សម្រាប់ពិធីបុណ្យចូលឆ្នាំថ្មី អ្នកត្រូវតែមានផ្កាស្បៃរឿងមួយផើងទៅផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​

តាមរយៈរូបភាពដែលចុះផ្សាយដោយកាសែតវៀតណាម soha ​មនុស្សជាច្រើនបានចែករំលែកអត្ថបទនេះ ហើយបន្តសួររកអាសយដ្ឋាន ដើម្បីអាចមកទិញផ្កាស្បៃរឿងសម្រាប់ពីធីបុណ្យចូលឆ្នាំ​​ចិន-វៀតណាម ២០២៤ ហើយជាពិសេសបានជួបអ្នកលក់សាច់ដុំកង់ៗពីរនាក់ ដោយផ្ទាល់ថែមទៀតផង។

ទោះយ៉ាងណាក៏ដោយ បុរស​ទាំងពីររូបដែលមានសាច់ដុំ៦កង់ ក្នុង​រូបថត​ដែល​ទាក់ទាញ​ចំណាប់អារម្មណ៍​ខាងលើ ​ពិតជាមិនអាចគេចផុតពីក្រសែភ្នែកមហាជននិងភ្ញៀវដែលមកទិញស្បៃរឿង​ដើម្បីយកទៅតាំងលម្អគេហដ្ធានពួកគេឡើយ។ មែនទែនទៅ អ្នកទាំងពីរ​គឺជា​គ្រូបង្វឹក​កាយវប្បកម្ម និង​ជា​គ្រូបង្វឹក​ហាត់ប្រាណនៅក្លិបមួយកន្លែង។ បុរសទីមួយឈ្មោះថា Tran Phi Hung អាយុ ៣២ ឆ្នាំ និង Trung Pham មានវ័យអាយុ ២៥ ឆ្នាំ​។

យោងតាមព័ត៌មាននៅក្នុងកាសែត Thanh Nien លោក Hung បាននិយាយថា នៅថ្ងៃនោះគាត់ និងកូនសិស្សរបស់គាត់ គឺលោក Trung Pham បានហាត់នៅក្លឹបហាត់ប្រាណមួយនៅជិតអនុវិទ្យាល័យ Nguyen Duc Ung នៅ Long Thanh (Dong Nai) ចៃដន្យមិត្តរបស់លោក Hung ក៏លក់ផ្កានៅក្បែរនោះ ទាំងគ្រូ និងសិស្សក៏ចេញទៅជួយរើសផ្ការួចថតរូបទុកជាអនុស្សាវរីយ៍។ ជាពិសេស គ្រប់រូបភាពដែលបង្ហោះលើអ៉ិនធើណេតត្រូវបានថតដោយធម្មជាតិ និងដោយគ្មានការរៀបចំជាមុនសូម្បីតែបន្តិចណាឡើយ។ ​ បច្ចុប្បន្ននេះ រូបថតរបស់អ្នកទាំងពីរនៅតែទទួលបានការចាប់អារម្មណ៍ពីមនុស្សជាច្រើន ស្របពេលដែលហាង់លក់ផ្កាតាមចិញ្ចើមផ្លូវរបស់មិត្តលោកបានទទួលភ្ញៀវយ៉ាងភ្លួកទឹកភ្លូកដីផងដែរ៕

សូមទស្សនារូបភាពដែលបុរសសាច់ដុំជនជាតិវៀតណាមលក់ផ្កាខាងក្រោម

អត្ថបទ៖ សាង ស្រីល័ក្ខ

ចុចអាន៖ទិដ្ឋភាព​ប្រជាជនវៀតណាមសម្រុកវិលមកស្រុកកំណើតលើសការរំពឹងទុក ក្រោយកៀកថ្ងៃចូលឆ្នាំថ្មី