Connect with us

ព័ត៌មានអន្ដរជាតិ

ឆ្នាំនេះ ថៃ រៀបចំពិធីបុណ្យសង្ក្រាន្តលំដាប់ពិភពលោក រយៈពេល៣សប្តាហ៍

បានផុស

នៅ

សារព័ត៌មានថៃ PBS បានដកស្រង់សម្តីអ្នក​នាំពាក្យ​រដ្ឋាភិបាលលោក Chai Wacharonke ដែលបញ្ជាក់កាលពីថ្ងៃពុធទី៧ខែកុម្ភៈថា ឆ្នាំនេះ ថៃ នឹងប្រារព្ធពិធីបុណ្យសង្ក្រាន្តរយៈពេល៣សប្តាហ៍ទូទាំងប្រទេស ដោយចាប់ផ្តើមពីថ្ងៃទី១ខែមេសាទៅ ជាមួយក្តីសង្ឃឹមថា សកម្មភាពដែលពោរពេញដោយភាពសប្បាយរីករាយក្នុងអំឡុងពេលនេះ នឹងក្លាយជាធាតុផ្សំនៃថាមពលទន់របស់ប្រទេសថៃ ក៏ដូចជាការជំរុញកំណើនទេសចរនិងវិស័យទេសចរណ៍ ផងដែរ។

លោក Chai Wacharonke (រូបថត៖ Bangkok Post)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Chai និយាយថា ក្រសួងវប្បធម៌ នឹងរៀបចំសកម្មភាពនេះ ដោយមានការសម្របសម្រួលជាមួយស្ថាប័នពាក់ព័ន្ធទាំងរដ្ឋនិងឯកជន នៅក្នុងសង្កាត់ចំនួន៥០នៃទីក្រុងបាងកក និងខេត្តចំនួន៧៦ផ្សេងទៀត។

ដោយឡែក កាលពីចុងឆ្នាំមុន គណៈកម្មាធិការរដ្ឋាភិបាលថៃ ក៏បានប្រកាសប្រារព្ធពិធីបុណ្យ សង្ក្រាន្តច្រើនថ្ងៃផងដែរ ពោលគឺមិនមែនរៀបចំត្រឹម៣ថ្ងៃដូចប្រពៃណីឡើយ ព្រោះមានគោលបំណង ធ្វើឲ្យប្រទេសថៃស្ថិតក្នុងចំណោមគោលដៅទេសចរណ៍ពិភពលោកកំពូលទាំង១០ សម្រាប់ពិធីបុណ្យ។

(រូបថត៖ Bangkok Post)

ពេលនោះ មេដឹកនាំគណបក្សភឿថៃ លោកស្រី Paetongtarn Shinawatra ដែលជាប្រធានគណៈកម្មាធិការយុទ្ធសាស្ត្រថាមពលទន់ជាតិ បានប្រកាសផែនការនេះ នៅលើទំព័រ Facebook របស់ខ្លួន ដោយនិយាយថា ផែនការថាមពលទន់សម្រាប់ឆ្នាំ២០២៤ បានចាប់ផ្តើមហើយ ដោយមានអនុគណៈកម្មការចំនួន១២នៅទូទាំងឧស្សាហកម្មទាំង១១ បានស្នើសុំថវិកាដើម្បីជំរុញសេដ្ឋកិច្ចច្នៃប្រតិដ្ឋ។

លោកស្រីបន្តថា ប្រធានបទដ៏គួរឲ្យរំភើបមួយទៀតដែលត្រូវបានពិភាក្សា គឺផែនការសម្រាប់ពិធីបុណ្យសង្ក្រាន្ត នៅឆ្នាំ២០២៤។ ​សង្ក្រាន្ត​លើក​ក្រោយ​នឹង​មិន​ដូច​ឆ្នាំ​មុនៗ​ឡើយ ព្រោះ​យើង​កំពុង​រៀបចំ​ព្រឹត្តិការណ៍​ដ៏​ធំ នោះគឺ “​បុណ្យលេងទឹក​លំដាប់ពិភពលោកនិងបាតុភូត​សង្ក្រាន្ត​”។

លោកស្រី Paetongtarn Shinawatra (រូបថត៖ Nation)

ទោះបីជាយ៉ាងណាក៏ដោយ ពិធីបុណ្យធំគឺនៅតែធ្វើឡើងក្នុងអំឡុងពេល៣ថ្ងៃដដែល ខណៈថ្ងៃនៅសល់ក្នុងរយៈពេលនេះ នឹងមានការរៀបចំពិធីវប្បធម៌ផ្សេងៗ។

សូមបញ្ជាក់ជាថ្មី ពិធីបុណ្យសង្ក្រាន្តចូលឆ្នាំថ្មីរបស់ ថៃ ត្រូវបានអង្គការយូណេស្កូ ប្រកាសដាក់បញ្ចូលទៅក្នុងបញ្ជីបេតិកភណ្ឌអរូបីនៃមនុស្សជាតិ កាលពីថ្ងៃពុធទី៦ខែធ្នូឆ្នាំ២០២៣ នាំឲ្យមានការអបអរសាទរទូទាំងប្រទេស៕

អត្ថបទ៖ សុខ សុវណ្ណ

ចុចអាន៖ ឆ្នាំក្រោយ ថៃ រៀបចំពិធីបុណ្យសង្ក្រាន្ត មួយខែពេញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

អគ្គនាយកដ្ឋានពន្ធដារ៖ ពន្ធលើផ្ទាំងផ្សព្វផ្សាយ ត្រូវប្រកាស បង់ប្រាក់ពន្ធយឺតបំផុតត្រឹមចុងខែមីនា ឆ្នាំ២០២៤

ព័ត៌មានជាតិ៨ នាទី មុន

ឆ្នាំនេះ ប.ស.ស ដាក់ផែនការពង្រីកការផ្សព្វផ្សាយរបបថែទាំសុខភាព​តាមរបបភាគទានដោយស្ម័គ្រចិត្ត ដល់មន្ត្រីរាជការ

ព័ត៌មានអន្ដរជាតិ៣០ នាទី មុន

ឆ្នាំនេះ ថៃ រៀបចំពិធីបុណ្យសង្ក្រាន្តលំដាប់ពិភពលោក រយៈពេល៣សប្តាហ៍

ព័ត៌មានជាតិ១ ម៉ោង មុន

ដើមទុនដំបូង៣ម៉ឺនដុល្លារ ធនាគារហត្ថា ពង្រីកឡើងដល់ ២ពាន់លានដុល្លារនាពេលបច្ចុប្បន្ន

ព័ត៌មានអន្ដរជាតិ១ ម៉ោង មុន

លោក Netanyahu ច្រានចោលលក្ខខណ្ឌបទឈប់បាញ់ ៣ដំណាក់កាល របស់ក្រុម ហាម៉ាស

សន្តិសុខសង្គម៧ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

ជីវិតកម្សាន្ដ៦ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

កីឡា២ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ចរាចរណ៍១ ថ្ងៃ មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

ជីវិតកម្សាន្ដ៣ ថ្ងៃ មុន

តួឆ្នាស​ Natinee ​ប្រកាសរៀប​​មង្គលការជាមួយស្វាមី ​ក្រោយ​ពន្យារ​ពេល​ជិត៤​ឆ្នាំ

Sokha Hotels

ព័ត៌មានពេញនិយម