ព័ត៌មានអន្ដរជាតិ
ទាំងក្មេងចាស់នៅ ឡាវ សម្រុករៀនភាសា ចិន ព្រោះមានឱកាសទីផ្សារការងារខ្ពស់
យុវជនក្មេងៗជំនាន់ក្រោយនៃប្រទេសឡាវក្នុងរយៈពេលប៉ុន្មានឆ្នាំចុងក្រោយនេះកំពុងសម្រុករៀនភាសាចិនយ៉ាងច្រើនក្រាស់ក្រែល ដោយរំពឹងពីសក្តានុពលការងារនាពេលឆាប់ៗខាងមុខ ស្របនឹងពេលដែលកំណើនវិនិយោគិនចិនជាច្រើនចូលវិនិយោគក្នុងប្រទេសផង ។ នេះបើតាមសារព័ត៌មាន Laotian Times ចុះផ្សាយនៅថ្ងៃទី៨ ខែកុម្ភៈនេះ ។
នៅក្នុងឆ្នាំសិក្សា ២០២៣-២០២៤ នេះ ការចុះឈ្មោះសិក្សាភាសាចិននៅវិទ្យាស្ថានចិនខុងជឺ ជាផ្នែកមួយនៃវប្បធម៌ស្ថិតនៅសាកលវិទ្យាល័យជាតិឡាវ មានកំណើនគួរកត់សម្គាល់ ។ ចំនួនបានកើនឡើងទ្វេដង ត្រឹមរយៈពេល ២ ឆ្នាំ ពោលគឺពីសិស្ស ១៩៣ នាក់កាលពីឆ្នាំ ២០២១ កើនចំនួនដល់ ៥៦២ នាក់ក្នុងឆ្នាំ ២០២៣ កន្លងទៅ ។
ទន្ទឹមនឹងពេលដែលសិស្ស-និស្សិតឡាវចាប់ផ្តើមចុះឈ្មោះប្រឡងចូលរៀននៅសាកលវិទ្យាល័យ ភាសាចិនបានក្លាយជាជម្រើសដែលនិស្សិតចាប់អារម្មណ៍ចុះឈ្មោះចូលរៀនបំផុត ដោយមានចំនួនសិស្សជាង ២ ពាន់នាក់មកចុះឈ្មោះរៀន ។ នេះជាចំនួនច្រើនបំផុតក្នុងចំណោមមុខវិជ្ជាទាំងអស់សម្រាប់ឆ្នាំសិក្សា ២០២៣-២០២៤ ដែលឆ្លុះបញ្ជាំងពីចំណាប់អារម្មណ៍របស់និស្សិតយុវជនឡាវ ។
“ចិនជាភាសាសំខាន់ ពិសេសសម្រាប់ការងារ ហើយអ្នកជំនួញ និងក្រុមហ៊ុនចិនជាច្រើនមានវត្តមានកើនឡើងនៅក្នុងប្រទេស។ អីចឹងចំណេះដឹងភាសាចិន គឺមានឱកាសការងារច្រើន និងមានចំណូលល្អគួរសមផងដែរ” ។ នេះជាការលើកឡើងរបស់យុវជន Phouangphan Latphakdy និស្សិតសាកលវិទ្យាល័យមួយរូបដែលបានសិក្សាភាសាចិន ។
យុវជន Khamsay Phomachan និស្សិតរៀនជំនាញភាសាអង់គ្លេស ហើយក៏កំពុងចាប់យកមុខវិជ្ជាភាសាចិនបន្ថែមបានបញ្ជាក់ថា ទាំងនេះគឺមកពីឥទ្ធិពលវិនិយោគិន និងសហគ្រិនចិន ទើបជំរុញរូបគេឲ្យសម្រេចចិត្តរៀនបន្ថែមមុខវិជ្ជានេះ ។
“អ្នកវិនិយោគចិន ក៏ដូចជាអ្នកជំនួញចិន មានឥទ្ធិពលច្រើនទៅលើសេដ្ឋកិច្ចប្រទេស ដូចនេះជាហេតុផលដែលខ្ញុំរៀនភាសាចិន ។ ភាសាចិនពិតជាសំខាន់ ដើម្បីបង្កើនចំណូលប្រាក់ខែ ក៏ដូចជាអាទិភាពពិសេសនៅពេលដាក់ពាក្យការងារ” ។ នេះបើតាមសម្តីយុវជន Khamsay ។
គួររំឭកថា នៅឡាវ មិនត្រឹមតែយុវជនទេដែលសម្លឹងមើលពីប្រយោជន៍ភាសាចិនចំពោះអនាគតទីផ្សារការងារ តាមប្រភពសារព័ត៌មានថៃ Thairath ក៏បានរាយការណ៍ពីនិន្នាការរបស់គ្រួសារនៅប្រទេសឡាវ ជំរុញកូនៗទៅរៀនភាសាចិនពីថ្នាក់តូចទៅ ពោលគឺឪពុកម្តាយនៅឡាវភាគច្រើនបានចុះឈ្មោះបញ្ជូនកូនៗទៅរៀនថ្នាក់ភាសាចិនបន្ថែមតាំងពីថ្នាក់បឋមទី១ ទៅម្ល៉េះ ខណៈសកម្មភាពនេះ គឺមានន័យថា ពួកគេសម្លឹងឃើញពីឱកាសការងារដោយប្រើភាសាចិននៅក្នុងប្រទេសរបស់ខ្លួន ៕
ដោយ៖ មាន រតនា
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ១៩ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន