អាមេរិកលក់អាវុធឲ្យអេហ្ស៊ីប ទោះប្រទេសនេះរំលោភសិទ្ធិមនុស្សក៏ដោយ

សហរដ្ឋអាមេរិកបានយល់ព្រមលក់អាវុធដែលមានតម្លៃជិត ២០០ លានដុល្លារទៅឲ្យប្រទេសអេហ្ស៊ីប ប៉ុន្តែបានប្តេជ្ញាថានឹងដាក់បញ្ហាសិទ្ធិមនុស្ស បន្ទាប់ពីសកម្មជនអាមេរិកបានរាយការណ៍ថាក្រុមគ្រួសាររបស់គាត់ត្រូវបានគេយាយី ។

រដ្ឋបាលលោក បៃដិន ដែលបានប្តេជ្ញាបញ្ឈប់ការគាំទ្រដល់ប្រតិបត្តិការវាយលុករបស់អារ៉ាប៊ីសាអូឌីតនៅក្នុងសង្គ្រាមដ៏សាហាវរបស់ប្រទេសយេម៉ែន និងកំពុងពិនិត្យមើលការលក់យន្ដហោះដ៏ធំមួយទៅ ឲ្យប្រទេសអារ៉ាប់រួម បាននិយាយថា ប្រទេសនេះបានយល់ព្រមលក់មីស៊ីលយុទ្ធសាស្ត្រ ១៦៨ គ្រាប់ទៅឲ្យប្រទេសអេហ្ស៊ីប ។

ក្រសួងការបរទេសសហរដ្ឋអាមេរិកបាននិយាយថា ការលក់កាំជ្រួចមីស៊ីល Rolling Airframe ដែលផលិតដោយក្រុមហ៊ុន Raytheon តម្លៃ ១៩៧ លានដុល្លារត្រូវបានស្នើដោយកងនាវាចរអេហ្ស៊ីបដើម្បីបង្កើនការការពារនៅតាមតំបន់ឆ្នេរ និងនៅជុំវិញសមុទ្រក្រហម ។

ក្រសួងបាននិយាយនៅក្នុងសេចក្តីថ្លែងការណ៍មួយថា ខ្លួនបានអនុម័តការលក់នេះ ប៉ុន្តែស្ថិតក្រោមការពិនិត្យឡើងវិញពីសភា ខណៈប្រទេសអេហ្ស៊ីបនៅតែជាដៃគូយុទ្ធសាស្ត្រដ៏សំខាន់នៅមជ្ឈិមបូព៌ា ។

លោក បៃដិន បានប្តេជ្ញាជំហរតឹងរឹងលើបញ្ហាសិទ្ធិមនុស្ស បន្ទាប់ពីលោក ដូណាល់ ត្រាំមុន បានទាក់ទងលោកប្រធានាធិបតីអេហ្ស៊ីប Abdel Fattah el-Sisi ដែលលោក ត្រាំ ចាត់ទុកថាជាមេដឹកនាំផ្តាច់ការដែលគាត់ចូលចិត្ត និងជាផ្នែកមួយសម្រាប់កិច្ចសហប្រតិបត្តិការរបស់គាត់ជាមួយអ៊ីស្រាអែល ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera